Писка (лимени дувачки инструменти)
From Wikipedia, the free encyclopedia
From Wikipedia, the free encyclopedia
Писка[1][2] или усник[3] — дел од лимен дувачки инструмент на кој се потпираат усните на свирачот. Тие се конструирани да го пренесат максималниот износ на „информации“ од усните, устата, јазикот и белите дробови на свирачот до воздушниот столб на инструментот. Со помош на самата писка може да се репродуцираат неколку тонови со слаб квалитет. Бојата на звукот на инструментот зависи од обликот и структурата на писката. Затоа Рихард Вагнер, за да го ублажи звукот на тубата, ставил на неа писка од рог[4]. На инструментите од западната класична традиција, постојат неколку видови на писки. Најзастапен е оној кој се среќава кај класичните лимени дувачки инструменти и се состои од кружен отвор што води до главното тело на инструментот. Усните на свирачот треперат додека се притиснати на отворот и создаваат т.н. „мембранозно јазиче“. Ова треперење предизвикува треперење и на воздушниот столб инструментот. Треперењата се најсилни на писката и на спротивниот крај на цевката, додека се намалуваат кон внатре и исчезнуваат околу средината. На повеќето дувачки инструменти, како што се труби и тромбони, писката е плитка и во облик на чаша, додека на рогот и тубата е подлабока и во облик на инка. Темброт на инструментот зависи и од обликот на писката.
Писката се појавува и кај некои дрвени дувачки инструменти, но со цел да се држи јазичето од трска.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
