Милутинце

Милутинце — село во Општина Ранковце, сместено во областа Славиште, во североисточниот дел на Македонија.

Милутинце
Милутинце Местоположба на Милутинце во Македонија Милутинце на карта
Координати 42°11′49″N 22°9′7″E
Регион	Североисточен
Општина	Ранковце
Население	15 жит. (поп. 2021)[1]
Пошт. бр.	1316
Повик. бр.	031
Шифра на КО	15033
Надм. вис.	586 м
Милутинце на општинската карта Атарот на Милутинце во рамките на општината
Милутинце на Ризницата

Население

Население во минатото

Година Нас. ±% 1948 469 —     1953 507 +8.1% 1961 444 −12.4% 1971 381 −14.2% 1981 278 −27.0%	Година Нас. ±% 1991 138 −50.4% 1994 133 −3.6% 2002 72 −45.9% 2021 15 −79.2%

Според германска карта издадена во 1941 година, а заснована на пописот на Кралството Југославија од 1931 година, селото имало 350 Македонци.^[2]

Според одржаниот попис во 2002 година имало само 72 жители.^[3] Сите жители се Македонци и се изјасниле како православни христијани.

Според последниот попис од 2021 година, во селото живееле 15 жители, од кои 11 Македонци, 1 Србин и 3 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	360	440	469	507	444	381	278	138	133	72	15

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Милутинце е македонско село.

Според истражувањата од 1973 година, родови во селото се

• Чивлачани (12 к.), Црнкинци (22 к.) и Дрипановци (17 к.) сите живеат во свои посебни маала, кои ги носат имињата по родовите. Сите три рода во селото се доселенички со непознато потекло. А помеѓу овие родови има и домазети од селата Герман и Криви Камен.^[9]

Според истражувањата пак на Бранислав Русиќ во 1953 година, родови во селото се:

• Најстари Доселеници: Курбалијци (5 к.) наведениот род потекнува од основачот на селото Милутин. Од некаде од Србија се доселиле тројца браќа, Гина, Љуба и Милутин. Тие основале три села (Гиновци, Љубинци и Милутинце).
• Доселеници: Реканци (2 к.), Парлевци (1 к.), Чоклинци (6 к.), Пупуњци (3 к.), Чукарци (2 к.), Тораци (4 к.), Кукавци (1 к.), Ѓусинци (3 к.), Цепењаци (2 к.) и Калејци (2 к.) доселени се, но не знаат од каде; Ќеловци (4 к.) доселени се во 1820 година од околината на Кратово; Џалинци (1 к.) доселени се во 1830 година од селото Радибуш; Црнкарци или Сулинци (7 к.) доселени се околу 1835 година од селото Црн Врв, недалеку од Кратово; Маџурци (6 к.) доселени се околу 1840 година од околината на Врање во Србија.^[10]

Самоуправа и политика

Селото се наоѓа во Општина Ранковце, која била една од ретките општини во Македонија, која не била воопшто менувана во поглед на нејзините граници со новата територијална поделба на Македонија во 2004 година.

Во периодот од 1962 до 1996 година, селото се наоѓало во рамките на големата општина Крива Паланка, додека во периодот по војната од 1957 до 1962 година селото се наоѓало во рамките на некогашната општина Ранковце, каде што се наоѓало и во периодот 1955-1957.

Во периодот 1952-1955, селото било дел од тогашната општина Петралица, во која покрај Милутинце се наоѓале и селата Баратлија, Гиновци, Криви Камен и Петралица. Самата Општина Петралица била дел од Кривопаланечката околија. Општината Петралица постоела и во периодот 1950-1952 година.

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. „200K Volkstumskarte Jugoslawien“.
3. „Попис на Македонија“ (PDF). Завод за статистика на Македонија. 2002. Посетено на 30 март 2013.
4. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
5. К’нчов, Васил. „Македонија. Етнографија и статистика“. Софија, 1900
6. Brancoff, D.M. „La Macédoine et sa Population Chrétienne“. Paris, 1905.
7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
8. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
9. Трифуноски, Јован. Кривопаланачка област. Загреб: ХАЗУ.
10. Величковски, Драган (2009). Славишки Зборник Бр.1. Крива Паланка: Градски Музеј - Крива Паланка.

Надворешни врски

• Милутинце на Ризницата