![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/02/2013_KL_Majdanek_crematorium_-_01.jpg/640px-2013_KL_Majdanek_crematorium_-_01.jpg&w=640&q=50)
Мајданек
From Wikipedia, the free encyclopedia
Мајданек (полски: Majdanek) или Лублин (Lublin) бил нацистички концентрационен логор за истребување, изграден и управуван од СС на периферијата на градот Лублин за време на германската окупација на Полска во Втората светска војна. Имало седум гасни комори, две дрвени бесилки и околу 227 конструкции, што го прави еден од најголемите концентрациони логори управувани од нацистите.[1] Иако првично бил наменет за присилна работа а не за истребување, кампот беше искористен за убиство на луѓе во големи размери за време на операцијата „Рајнхард“, германскиот план за убиство на сите Евреи на територијата на Полска.[2] Логорот, кој работел од 1 октомври 1941 година до 22 јули 1944 година, беше заземен скоро недопрен, бидејќи брзото напредување на Советската црвена армија за време на операцијата „Баграција“ ги спречила СС силите да уништат најголем дел од својата инфраструктура, а заменик командантот на логорот Антон Тернес не успеал во својата задача да ги отстрани инкриминирачките докази за воени злосторства.[3]
![Thumb image](http://upload.wikimedia.org/wikipedia/commons/thumb/0/02/2013_KL_Majdanek_crematorium_-_01.jpg/640px-2013_KL_Majdanek_crematorium_-_01.jpg)
Логорот го доби прекарот Мајданек („малиот Мајдан“) од месното население во 1941 година, бидејќи бил во непосредна близина на предградието Мајдан Татрски во Лублин. Од страна на Главната канцеларија за безбедност на Рајхстагот во Берлин бил преименуван во Концентрационен логор Лублин на 9 април 1943 година, но локалното полско име обично сè уште се користи.[4]