From Wikipedia, the free encyclopedia
Ласерда (на португалски: Elevador Lacerda) — лифт во градот Салвадор во сојузната држава Баија во Бразил. Тој е првиот урбан лифт во светот. На 8 декември 1873 година, кога бил отворен и пуштен во употреба, тој бил највисок во светот, со 63 метри височина.
Се наоѓа во градот Салвадор, во бразилската сојузна држава Баија и служи за јавен превоз помеѓу плоштадот Саиру во Долниот град и плоштадот Томе де Соса во Горниот град. Денес лифтот Ласерда е една од главните туристички атракции и разгледница на градот. Од врвот на своите кули, може да се види поглед на Заливот на сите светци, пазарот Меркадо Модело и тврдината Сао Марсело во позадина.
Градбата е висока 72 метри и има две кули: една што ја напушта карпата и ги пробива планинските падини, балансирајќи ги кабините, и уште една видлива, која се приклучува кон првата кула, слегувајќи до нивото на Долниот град. Најпознатиот лифт во Баија може да превезува 900 илјади патници месечно или, во просек, 28 илјади луѓе дневно по цена од петнаесет бразилски реали по патник, на триесет и две патувања.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.