From Wikipedia, the free encyclopedia
Коренот на дланката (латински: ossa carpi) е составен од осум коски распоредени во два реда и служи за поврзување на дланката со подлактицата.
Корен на дланка | |
---|---|
Коренот на дланката (црвен дел) | |
8 коски кои го градат коренот на дланката
Дистален ред: 1 = Палечна коска, 2 = Лакотна коска, 3 = Коски на прсти | |
Податоци | |
Назнаки | |
Латински | ossa carpi |
MeSH | A02.835.232.087.144 |
TA | A02.4.08.001 |
FMA | FMA:71335 |
Од палецот кон малиот прст во горниот ред се наоѓаат коските: чунеста коска(латински: os scaphoideum), полумесечеста коска (латински: os lunatum), триаглеста коска (латински: os triquetrum) и грашковидна коска (латински: os pisiforme).
Чунестата коска (латински: os scaphoideum) е сместена меѓу раката и подлактицата на палецот од страна на рачниот зглоб (странична или радијална страна).
Полумесечестата коска (латински: os lunatum) е сместена во центарот на проксималниот ред на карпалниот зглоб на раката. Името на коската произлегува од латинскиот збор луна (латински: luna), што значи месечина.
Триаглестата коска (латински: os triquetrum) се наоѓа во зглобот на медијалната страна на проксималниот ред на карпалниот дел помеѓу полумесечестата и грашковидната коска, се поврзува со грашковидната, кукестата и полумесечестата коска.
Грашковидната коска (латински: os pisiforme) е мала коска која наликува на зрно грашок, сместена е на проксималниот ред на карпалниот дел, се спојува единствено со триаглестата коска.
Во вториот ред се наоѓаат коските: трапезна коска (латински: os trapezium), трапезоидна коска (латински: os trapezoideum), главеста коска (латински: os capitatum) и кукеста коска (латински: os hamatum).
Трапезната коска (латински: os trapezium) е прва коска сместена во дисталниот ред на карпалниот дел, се поврзува со трапезоидната коска.
Трапезоидната коска (латински: os trapezoideum) е најмала коска во дисталниот ред, се поврзува со трапезната, главестата коска и со метакарпалнните коски.
Главестата коска (латински: os capitatum) е најголема коска на коренот на дланката, сместена е во дисталниот ред на карпалниот дел и се поврзува со трапезната, кукестата коска и метакарпалните коски.
Кукестата коска (латински: os hamatum) наликува на кука и затоа се нарекува кукеста, во горниот дел се спојува со триаглестата коска, а во долниот дел со четвртата и петтата метакарпална коска.
Зглобовите на коренот на дланката овозможуваат поврзување на коските од првиот и вториот ред, поврзување помеѓу самите коски и поврзување со метакарпалните коски, како и поврзување со коските од подлактицата;
Оваа статија од областа на анатомијата е никулец. Можете да помогнете со тоа што ќе ја проширите. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.