From Wikipedia, the free encyclopedia
Карнатака е сојузна држава во Индија со површина од 192.000 км2 и 55.868.200 жители (сос: 1. јан. 2001). Карнатака се наоѓа на југот од Индија на висорамнината Декан и се граничи со Махараштра , Гоа, Андра Прадеш, Тамил Наду и Керала. Со својот западен дел излегува на Арапското Море. Главен град на Карнатака е Бангалор кој има преку 6 милиони жители. Софтверската индустрија во Бангалор претставува 35% од индискиот софтверски извоз. Карнатака е единствен извозник на сандаловина во Индија.
| Карнатака | |
|---|---|
| Карнатака - ಕನಾ೯ಟಕ | |
| Држава: | Индија |
| Главен град: | Бангалор |
| Површина: | 192.000 км2 |
| Население: | 55.868.200 (2001) |
| Густина на население: | 290,98 жит./км2 |
| Јазик: | канадски |
| Религија: | хиндуизам (83,7 %), ислам (12,2 %), христијанство (1,9%) |
| Мрежно место: | www.karnataka.gov.in |
| Мапа | |
.svg) | |
Неолитската населба датира од вториот век пред Христос. Карнатака била во составот на Маурја царството, во кое во 3. век пред Христос владеел Ашока. Во текот на првиот милениум Карнатака била во составот на различните династии: Кадамбас, Ганга(323. -550. ) , Чалукјас и Раштракутас. Кога била како британска колонија се викала Мајсур, која во 1973. се преименувала во Карнатака.
Карнатака е најголем произведувач на кафе во Индија. Се произведува 59% од вкупното индиско производство и 75% од индиското производство на цвеќе. Единствен извозник е на сандаловина во Индија. Мајсурскиот дистрикт е познат по производство на сурова свила, а во Мајсур се произведуваат и надалеку прочуените свилени сари.
Преку 90% од индиското производство на злато доаѓа од јужна Карнатака. Во последно време се копа и манган.
Бангалор е светски познат по информатичката технологија. Самиот Бангалор извезува 38% од целокупниот индиски извоз на софвер, кој изнесува 9 милијарди $ за цела Индија. Бангалор се нарекува и "Силициумска Долина на Индија". Хардверската индустрија на Бангалор извезува во износ од 500 милиона $ . Биотехнологијата на Бангалор дава 50% од сите индиски приходи во тој сектор, кој изнесува 500 милиони $ .
Карнатака е позната по природните убавини, националните паркови, споменици и храмови, од кои многу се наоѓаат на УНЕСКОвата список на светското културно наследство. Џог водопадите се високи 292 метри и претставуваат едни од најголемите водопади во Азија. Од 3600 заштитени споменици во Индија, во Карнатака се наоѓаат 609.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
