Западен Тимор

Западен Тимор (индонезиски: Timor Barat) — западниот дел на островот Тимор, дел од индонезиската покраина Источна Нуса Тенгара. Источниот дел на островот е независната држава Источен Тимор. Западен Тимор е доминантно христијански регион.

Карта на островот Тимор.

За време на колонијалниот период, Западен Тимор бил познат како Холандски Тимор и бил центар на холандските лојалисти за време на Индонезиската национална револуција (1945–1949).^[1][2]

Географија

Западен Тимор има вкупна површина од 15.850 км² и го зазема западниот дел на островот Тимор. Највисоката точна во Западен Тимор е Мутис со 2.427 метри. Најјужниот остров во Индонезија, Роте, е југозападно од Западен Тимор. Најголем град во Западен Тимор е Купанг.

Административна поделба

Западен Тимор е дел од покраината Источна Нуса Тегара. Порано бил поделен на Град Купанг и четири округа. Во 2012 година бил основан и петтиот округ. Околу 35% од населението на покраината живее во Западен Тимор.

име	адм. центар	проц.	статут	површина (км²)	население попис 2019[3]
Купанг	Оеламаси	1958	UU 69/1958	5.898,18	402.000
Јужноцентрален Тимор	Сое	1958	UU 69/1958	3.947,00	466.000
Северноцентрален Тимор	Кефаменану	1958	UU 69/1958	2.669,66	256.000
Белу	Атамбуа	1958	UU 69/1958	1.284,94	226.000
Малака	Бетун	2012	UU 69/2012	1.160,63	190.000
Град Купанг	*			160,34	438.000
Западен Тимор	Град Купанг			15.120,83	1.978.000

Демографија

Главна статија: Христијанство во Индонезија

Населението на Западен Тимор е доминантно христијанско, односно 56% се Католици, 35% се Протестанти и само 8% се Муслимани. Има околу 1.8 милиони жители во регионот според податоците од 2008. Доминантен јазик е индонезискиот јазик, но населението зборува и на други австронезиски јазици, меѓу нив тетумски, уаб мето, ндаонаски и др.^[4] Познавањето на холандскиот е денес само меѓу постарите лица и е ограничено.

Економија

Просечната невработеност на Западен Тимор е 2.39%.^[5] 30% од населението живеат под линијата на сиромаштијата (според податоците од 1998 и 2012). Економијата е воглавно земјоделска.

Наводи

1. Great Britain. Foreign Office. Historical Section (1920), Dutch Timor and the Lesser Sunda Islands, H.M.S.O, Посетено на 17 January 2014
2. Allied Forces. South West Pacific Area. Allied Geographical Section (1943), Area study of Dutch Timor, Netherlands East Indies, The Section, Посетено на 17 January 2014
3. „Indikator Strategis Nusa Tenggara Timur“. BPS (индонезиски). Архивирано од изворникот на 2021-02-25. Посетено на 2019-12-18.
4. West Timor Island
5. ^{[мртва врска]}

10°23′S 123°38′E

Поврзано

• Тимор
• Источен Тимор

Надворешни врски

• Преглед на Западен Тимор