![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c0/Antarctica.svg/langmk-640px-Antarctica.svg.png&w=640&q=50)
Западен Антарктик
дел од Антакрикот кој лежи на западната полутопка / From Wikipedia, the free encyclopedia
Западен Антарктик, или Мал Антарктик — еден од двата главни региони на Антарктикот, е дел од тој континент кој се наоѓа во рамките на западната хемисфера и го опфаќа Антарктичкиот Полуостров. Тој е одделен од Источен Антарктик со Трансантарктичките Планини и е покриен со ледената покривка на Западен Антарктик. Се наоѓа помеѓу Росовото Море (делумно покриено со Росовиот Леден Гребен) и Веделовото Море (во голема мера покриено со Филхнер-Ронеов Леден Гребен). Може да се смета за џиновски полуостров, кој се протега од Јужниот Пол кон врвот на Јужна Америка.
![Thumb image](http://upload.wikimedia.org/wikipedia/commons/thumb/0/08/West-antarctica.png/320px-West-antarctica.png)
![Thumb image](http://upload.wikimedia.org/wikipedia/commons/thumb/c/c0/Antarctica.svg/320px-Antarctica.svg.png)
Западен Антарктик во голема мера е покриен со ледената покривка на Антарктикот, но има знаци дека климатските промени имаат одреден ефект и дека оваа ледена покривка можеби почнала малку да се намалува. Во текот на изминатите 50 години, западниот брег на Антарктичкиот Полуостров бил - и сè уште е - еден од најбрзо затоплените делови на планетата,[1][2] а бреговите на Полуостровот се единствените делови на Западен Антарктик кои остануваат (во лето) без мраз. Тие ја сочинуваат тундрата на Антарктикот и имаат најтопла клима на Антарктикот. Карпите се обложени со мов и лишаи кои можат да се справат со интензивниот зимски студ и кратката сезона на растење.