Заноне

Заноне
Zannone
	Поглед на Заноне
Географија
Место	Тиренско Море ; Средоземно Море
Координати	40°58′14″N 13°03′18″E
Површина	1 км2
Држава
	Италија
Регион	Лацио
Покраина	Латина
Општина	Понца
Демографија
Население	0

Заноне е остров во Тиренското Море во близина на западниот брег на Италија и е дел од Понцијанските Острови кој административно припаѓа во општината Понца. Целиот остров е 1 км2 во големина и на околу 10 километри оддалеченост од островот Понца.^[1]

Кратки факти Zannone, Географија ...

Затвори

Тоа е дел од Националниот парк Чирчео поради својата убавина и неколку ретки биоми. Островот е пуст, но надгледуван од страна на Шумска служба, со станица и мала образовна изложба на врвот Монте Пелегрино, највисоката точка на островот. На островот постојат урнатини на еден бенедиктински манастир кој датира од 13 век. Изградена врз овој поранешен манастир постои и една вила во колонијален стил, порано дом на маркизот Казати Стампа и неговата сопруга Ана Фаларино^[1], кои биле домаќини за оргии на островот.^[2] За посета на островот не треба посебна дозвола, но Заноне нема туристички капацитети и кампувањето и забрането, како и преноќувањето на островот^[1], иако биолози, научници и набљудувачи на птици имаат добиено дозволи за кампување, во тек на ноќта на островот.^[2]

Заноне е достапен само со брод од Понца. Поранешни рибари нудат денски патувања, вклучувајќи ручек на брод, кој тргнува од пристаништето во Понца во 11 часот наутро и го напушта Заноне за враќање во Понца во 5 часот^[2]

Островот бил користен како приватен ловечки резерват од италијанската аристократија. Стотици муфлонски диви овци биле донесени на Заноне. Овците се сега заштитени видови.^[2]

На островот има светилник наречен Пунта Варо.