Железен крст
From Wikipedia, the free encyclopedia
Железен крст (германски: Eisernes Kreuz) — воено одликување на Германија, за првпат воспоставено од кралот Фридрих Вилхелм III од Прусија на 10 март 1813 г. Железниот крст се доделувал само за време на војна и во различни степени во зависност од чинот на военослужителот. Покрај Наполеоновите војни, Железниот крст бил доделен и за време на Француско-пруската војна, како и за време на Првата и Втората светска војна. Последен пат бил доделен во мај 1945 г.[1][2]
![Thumb image](http://upload.wikimedia.org/wikipedia/commons/thumb/5/5a/Eisernes_Kreuz_2.Klasse_1813.jpg/220px-Eisernes_Kreuz_2.Klasse_1813.jpg)
Железниот крст најчесто се поврзува со одликувањата на Нацистичка Германија. Сепак, тој останува моќен воен симбол во германската култура, поради што бил повторно преземен од војската на поранешна Западна Германија (Бундесвер) во 1955 г.