![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Eskimo-Aleut_langs.png/640px-Eskimo-Aleut_langs.png&w=640&q=50)
Ескимско-алеутски јазици
From Wikipedia, the free encyclopedia
Ескимско-алеутските јазици сочинуваат јазично семејство кое се зборува во Алјаска, Северна Канада, Гренланд и во источен Сибир во Русија. Ова јазично семејство е поделено на две гранки, од кои ескимските јазици сочинуваат една подгрупа, додека алеутскиот сочинува своја посебна подгрупа. Алеутската подгрупа има само еден јазик кој се зборува на Алеутските Острови, додека ескимската е поделена на јупички јазици и инуитски јазици. Јупичките се зборуваат во Алјаска и Сибир, додека инуитските во северозападна Алјаска, Канада и Гренланд. Точното место на сиреничко-ескимскиот јазик не е сосема утврдено, бидејќи некои јазичари го сметаат за посебна гранка од јупичките јазици,[1] додека пак ддруги го сметаат за посебна гранка од ескимските јазици.[2] Ескимско-алеутските јазици не се сродни со останатите индијански јазици во Америка, но често се сметаат за такви поради геграфската положба, а не сродноста на јазиците или народите.
Ескимско-алеутски јазици | |
---|---|
Eskaleut | |
Географска распространетост: | Алјаска, Канада, Гренланд, Сибир |
Класификација: | Ескимско-алеутски |
Прајазик: | праескимскоалеутски праескимски |
Гранки: |
ескимски
алеутски
|
ISO 639-5: | esx |
![]() Ескимско-алеутските јазици во САД, Канада и Гренланд. |