![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/20/Blick_ueber_Eckernfoerder_Bucht.jpg/640px-Blick_ueber_Eckernfoerder_Bucht.jpg&w=640&q=50)
Екернфердски Залив
From Wikipedia, the free encyclopedia
Екернфердски Залив (германски: Eckernförder Bucht; дански: Egernførde Fjord) — фјорд во сојузната покраина Шлезвиг-Холштајн, Германија. Заливот претставува ракав на Килскиот Залив. Се граничи со Килскиот Фјорд кај светилникот Билкер. Некогашниот пошумен полуостров Денишер Волд помеѓу Килскиот Фјорд и Екернфердскиот Залив претставувал погранична област помеѓу Сасите и Данците во текот на средниот век. Северно од Екернфердскиот Залив се наоѓа полуостровот Шванзен. На крајот на заливот се наоѓа градот Екернферде.
![Thumb image](http://upload.wikimedia.org/wikipedia/commons/thumb/2/20/Blick_ueber_Eckernfoerder_Bucht.jpg/640px-Blick_ueber_Eckernfoerder_Bucht.jpg)
Екернфердскиот Залив е долг 17 километри и при неговиот влез е широк 10 километри, каде што како крајни точки се земаат Бокнис-Ек (општина Вабс) и Дениш-Нинхоф (општина Шведенек). Во поглед на меѓународното право се смета за „вистински залив“.[1]
Брегот на Екернфердскиот Залив целосно се граничи со округот Рендсбург-Екернферде (стариот округ Екернферде). На северниот брег се наоѓаат општините Вабс (на почетокот на заливот) и Баркелсби, на јужниот брег од исток кон запад општините Шведенек (исто така на почетокот на заливот), Нер и Алтенхоф. Истоимениот град Екернферде се наоѓа на западниот крај на заливот.