![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/Roman_SPQR_banner.svg/langmk-640px-Roman_SPQR_banner.svg.png&w=640&q=50)
Доминат
From Wikipedia, the free encyclopedia
Доминат е назив за автократски облик на владеење кое било востановено во Римското Царство од страна на Диоклецијан[1] после кризата во III век и кој траел сè до падот на Царството.
Називот доминат е изведен од латинскиот збор доминус (= “господар“), кој првобитно се поврзувал за односот меѓу робот и неговиот сопственик. Тој назив пејоративно бил користен за некои цареви, почнувајќи од Јулиевците-Клавдијците, но не бил официјална титула. Некои цареви, како на пример Тибериј, искрено го преѕирале. Меѓутоа, во периодот на Диоклецијан оваа титула станала сосема вообичаена, па овој цар и се смета за основач на доминатот како систем на државна управа.