уругвајски фудбалер From Wikipedia, the free encyclopedia
Диего Роберто Годин Леал (шпански изговор: [ˈdjeɣo ɣoˈðin]; роден на 16 февруари 1986 во Розарио) — уругвајски фудбалер, играч од одбраната на Интер и на уругвајската репрезентација.
![]() | |||
---|---|---|---|
![]() | |||
Лични податоци | |||
Полно име | Диего Роберто Годин Леал | ||
Роден на | 16 февруари 1986 | ||
Роден во | Розарио, Уругвај | ||
Висина | 1.85 м | ||
Позиција | Одбрана | ||
Клупски податоци | |||
Сегашен клуб |
![]() | ||
Број | 2 | ||
Младинска кариера | |||
![]() | |||
Кариера* | |||
Години | Клуб | Наст. | (Гол.) |
2003–2006 | Серо | 63 | (6) |
2006–2007 |
![]() | 26 | (0) |
2007–2010 |
![]() | 91 | (4) |
2010–2019 |
![]() | 277 | (17) |
2019– |
![]() | 1 | (0) |
Репрезентација ‡ | |||
2005– |
![]() | 108 | (8) |
* Ажурирано на: 18 мај 2014 ** Ажурирано на: 28 јуnи 2014 |
Годин ја започнал својата фудбалска кариера во Серо на 17 годишна возраст. По неговите добри настапи, тој потпишал за уругвајскиот прволигаш Насионал Монтевидео, каде за брзо време станал капитен на тимот поради неговата зрелост и професионализам.
Во август 2007, Годин потпишал петгодишен договор шпанскиот прволигаш Виљареал,[1] постигнувајќи погодок во својот втор натпревар, во поразот од 2-3 против Осасуна на 7 октомври.[2] Во својата прва сезона во шпанската Ла Лига, тој одиграл 24 натпревари и бил дел од најдобриот пласман на Виљареал кој завршил на второто место. Тој ја зацврстил својата почетна позиција во наредните сезони, најчесто играјќи со аргентинецот Гонсало Родригес во срцето на одбраната.
На 4 август 2010, откако ја одиграл својата најдобра сезона во Виљареал - 36 натпревари, три гола - Годин потпишал со Атлетико Мадрид петгодишен договор.[3] Својот прв настап за Колчонеросите го имал на 27-ми истиот месец, одигрувајќи го целиот натпревар во победата од 2-0 против италијанскиот гигант Интер во УЕФА Супер Купот 2010.
На 1 ноември 2013, Годин потпишал нов договор со Атлетико, кој го обврзува да остане во клубот до 2018 година. Тој изјавил: "Возбуден што го продолжив мојот престој во клубот. Ова е мојот дом".[4] Во сезоната 2013-14, тој постигнал четири гола за Атлетико[5][6][7] вклучувајќи го оној во последното коло на 17 мај 2014 против Барселона со кој го израмнил резултатот на 1–1 и му ја донел титулата на клубот по 18 години.[8] Една недела подоцна, повторно со глава, тој го постигнал водечкиот гол за Атлетико во финалето од Лигата на шампионите против Реал Мадрид, но сепак на крајот Реал ја освоил титулата победувајќи со 4–1.[9]
На само 19 годишна возраст, Годин го имал својот прв настап за Уругвај, во пријателскиот натпревар помеѓу Мексико, во Гвадалахара. Тој исто така бил дел од тимот на Уругвај на Копа Америка 2007.
Годин бил избран во составот на Уругвај за Светското првенство 2010 во Јужна Африка, започнувајќи го натпреварот против Франција (0–0), а потоа бил дел и од наредните четири натпревари каде Уругвај стигнал до полуфиналето.
Во 2011, Годин бил дел од успешниот настап на Уругвај на Копа Америка 2011, забележувајќи еден настап како измена во поразот од 3–0 од Парагвај во финалниот натпревар.[10] Тој исто така бил дел од уругвајскиот тим на Купот на Конфедерации во 2013 кој стигнал до полуфиналето, и му бил партнер на Диего Лугано во одбраната во четири од петте натпревари кои ги одиграл Уругвај.
Годин бил избран од страна на Оскар Табарез во Уругвајскиот тим за Светското првенство 2014.[11] На 24 јуни, Годин со глава го постигнал единствениот гол на натпреварот против Италија во последниот натпревар од групната фаза, со што уругвај се пласирал во елиминационата фаза.[12]
# | Датум | Место | Противник | Гол | Резултат | Натпреварување |
---|---|---|---|---|---|---|
1. | 27 мај 2006 | Стадион Црвена Ѕвезда, Белград, Србија | ![]() | 1–1 | 1–1 | Пријателски натпревар |
2. | 16 август 2006 | Стадион Александрија, Александрија, Египет | ![]() | 0–1 | 0–2 | Пријателски натпревар |
3. | 18 октомври 2006 | Естадио Сентенарио, Монтевидео, Уругвај | ![]() | 1–0 | 4–0 | Пријателски натпревар |
4. | 24 јуни 2014 | Арена дас Дунас, Натал, Бразил | ![]() | 0–1 | 0–1 | Светско првенство 2014 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.