From Wikipedia, the free encyclopedia
Гробници Минг — мавзолеи изградени од царевите од кинеската династија Минг. Првата гробница на царот Минг се наоѓа во близина на неговиот главен град Нанџјинг. Сепак, повеќето од гробниците Минг се наоѓаат во близина на Пекинг и се познати под заедничко име „Тринаесет гробници на династијата Минг“. Тие се наоѓаат во приградската област Чангпинг во општината Пекинг, на 42 километри северно-северозападно од средиштето на Пекинг. Местото, на јужната падина на планината Тианшоу (изворно планина Хуангту), било избрано врз основа на начелата на фенг шуи од третиот цар Минг, царот Јонгле. По изградбата на царскиот дворец (Забранетиот град) во 1420 година, царот Јонгле го избрал своето погребно место и го изградил својот мавзолеј. Следните цареви ги изградиле своите гробници во истата долина.
светско наследство на УНЕСКО | |
---|---|
![]() Капијата Дагонг (црвена во средината) и Духовниот пат на гробниците Минг (зад капијата). | |
Место | Пекинг и Нанџјинг, Кина |
Критериум | Културно: i, ii, iii, iv, vi |
Навод | 1004 |
Запис | 2000 (24th заседание) |
Дополнувања | 2003; 2004 |
Мреж. место | http://www.mingtombs.com/ |
Координати | 40°15′12″N 116°13′3″E |
Од царот Јонгле натаму, во истата област биле погребани 13 цареви од династијата Минг. Гробницата Шјиаолинг на првиот цар од династијата Минг, царот Хонгву, се наоѓа во близина на неговиот главен град Нанчјинг. Вториот цар, царот Џјианвен, бил соборен од царот Јонгле, и тој останал без позната гробница. „Привремениот“ цар, царот Џјингтаи, исто така не бил погребан овде, бидејќи царот Тианшун не дозволил царски погреб. Наместо тоа, царот Џјингтаи бил погребан западно од Пекинг.[1] Последен цар погребан на тоа место бил Чонгџен, последниот од неговата династија, кој извршил самоубиство со бесење на 25 април 1644 година. Бил погребан во гробот на неговата сопруга Тиен. Царот на краткотрајната династија Шун, Ли Циченг, подоцна ја прогласил таа гробница за царски мавзолеј на Си Линг. Тој е значително помал по обем во споредба со другите царски мавзолеи изградени за царевите Минг.
Местоложбата на царските гробници на династијата Минг била внимателно избрана според начелата на фенг шуи (геомантија). Според нив, злите духови и лошите ветрови што слегуваат од север мора да се пренасочат. Затоа, било избрано подрачјето на долината во облик на лак во подножјето на планините Џјунду, северно од Пекинг. Ова подрачје од 40 квадратни километри — опкружено со планини во недопрена, тивка долина полна со темна земја, мирна вода и други основни работи за фенг шуи — станало некропола на династијата Минг.
Патот долг 7 километри наречен „Духовен пат“ (pinjin) води во комплекс, нареден со статуи на животни чувари и службеници, со предна капија што се состои од три свода, обоена во црвено и наречена „Голема црвена капија“. Духовната патека, или Светата патека, започнува со огромен камен спомен-лак што лежи на предниот дел од подрачјето. Изграден во 1540 година. Изграден за време на династијата Минг, овој лак е еден од најголемите камени сводови во Кина денес.
Во моментов, само три гробници се отворени за јавноста. Од 1989 година немало ископувања, но кружеле планови за нови археолошки истражувања и натамошно отворање на гробниците. Тие можат да се видат на Google Earth: Чанг Линг, најголемата (40°18′5.16″N 116°14′35.45″E )); Динг Линг, чија подземен дворец бил ископан (40°17′42.43″N 116°12′58.53″E ); и Џао Линг.
Гробниците Минг биле запишани во списокот на светско наследство на УНЕСКО во август 2003 година. Тие се наведени заедно со други гробници под ознаката „Царски гробници на династиите Минг и Чјинг“.
Царските гробници се наведени по хронолошки редослед и наведено е погребаното лице:
Име | Кинески/пинјин | Цар | Царица и царски конкубини | Датум | Слика | Координати |
---|---|---|---|---|---|---|
Чанглинг | кинески: 長陵; пинјин: Cháng Líng | Цар Јонгле | Царица Женшјаовен | 1424 | ![]() |
40°18′5.16″N 116°14′35.45″E |
Шјианлинг | кинески: 獻陵; пинјин: Xiàn Líng | Цар Хонгшји | 1425 | ![]() |
40°18′18.12″N 116°14′15.61″E | |
Џјинглинг | кинески: 景陵; пинјин: Jǐng Líng; букв.: "Scenic Tomb" | Цар Шјуанде | Царица Шјиаогонгџанг | 1435 | ![]() |
40°17′54.14″N 116°15′08.52″E |
Јулинг | кинески: 裕陵; пинјин: Yù Líng | Цар Џентонг | Царица Шјиаоџуангжуи Царица Шјиаосу |
1449 | ![]() |
40°18′49.33″N 116°13′55.56″E |
Маолинг | кинески: 茂陵; пинјин: Mào Líng | Цар Ченгхуа | Царица Шјиаому Царица Шјиаоџенчун Царица Шјиаохуи |
1487 | ![]() |
40°18′51.60″N 116°13′36.17″E |
Таилинг | кинески: 泰陵; пинјин: Tài Líng | Цар Хонгџи | Царица Шјиаоченгџјинг | 1505 | ![]() |
40°19′23.33″N 116°12′59.90″E |
Канглинг | кинески: 康陵; пинјин: Kāng Líng | Цар Џенгде | Царица Шјиаоџјингји | 1521 | ![]() |
40°19′10.03″N 116°12′13.40″E |
Јонглинг | кинески: 永陵; пинјин: Yǒng Líng | Цар Џјиаџјинг | Царица Џјиаоџјиесу Царица Шјиаолие Царица Шјиаоке |
1566 | ![]() |
40°17′18.09″N 116°15′06.05″E |
Џаолинг | (кинески: 昭陵; пинјин: Zhāo Líng | Цар Лонгчјинг | Царица Шјиаоџуанг Царица Шјиао'ан Царица вдовица Шјиаодинг |
1572 | ![]() |
40°17′28.76″N 116°12′38.55″E |
Чјинглинг | кинески: 慶陵; пинјин: Qìng Líng | Цар Таичанг | Царица Шјиаојуанџен Царица вдовица Шјиаохеванг Царица вдовица Шјиаочун |
1620 | ![]() |
40°18′29.43″N 116°14′01.32″E |
Динглинг | кинески: 定陵; пинјин: Dìng Líng; букв.: "Tomb of Stability" | Цар Ванли | Царица Шјиаодунпјиан Царица вдовица Шјиаоџјинг |
1620 | ![]() |
40°17′42.43″N 116°12′58.53″E |
Делинг | кинески: 德陵; пинјин: Dé Líng | Цари Тианги | Царица Шјиао'аиџе | 1627 | ![]() |
40°17′15.01″N 116°15′35.91″E |
Силинг | кинески: 思陵; пинјин: Sī Líng | Цар Чонгџен | Царица Шјиаоџјие Благороден сопружник Тиан |
1644 | ![]() |
40°16′08.69″N 116°11′32.64″E |
Динглинг, една од гробниците на местото „Тринаесет гробници од династијата Минг“,[2][3][4] била почивалиште на царот Ванли, неговите царски конкубини и мајката на царот Таичунг. Таа е единствената гробница Минг што е ископана. Таа, исто така, останува единствената недопрена царска гробница, од која било епоха, која била ископана од основањето на Народна Република Кина, ситуација речиси непосреден исход од судбината што ја снашла гробницата Динглинг и нејзината содржина по ископувањето.
Ископувањето на Динглинг започнало во 1956 година, откако група угледни научници предводени од Гуо Моруо и Ву Хан започнале да се залагаат за ископување на Чанглинг, гробницата на царот Јонгле, најголемата и најстарата од гробниците Минг во близина на Пекинг. И покрај добиеното одобрение од премиерот Џоу Енлаи, археолозите ставиле вето на планот поради важноста и јавниот профил на Чанглинг. Наместо тоа, како пробно место за подготовка за ископување на Чанглинг, била избрана Динглинг, третата по големина гробница Минг. Ископувањата биле завршени во 1957 година, а музејот бил основан во 1959 година.
Ископувањата откриле недопрена гробница со илјадници предмети направени од свила, текстил, дрво и порцелан, како и скелети на царот Ванли и неговите две царици. Меѓутоа, немало ниту технологија ниту ресурси за соодветно зачувување на ископаните артефакти. По неколку катастрофални опити, големо количество свила и други текстили едноставно биле складирани во просторија подложна на провев и влага од прокиснување. Како последица на тоа, повеќето од зачуваните артефакти денес се сериозно оштетени, а наместо нив во музеите се изложени многу реплики. Понатаму, политичкиот замав што стоел зад ископувањето создал притисок за брзо завршување на ископувањето. Брзањето за последица имало лошо водење на документацијата за ископувањето.
Набрзо многу посериозен проблем го снашол проектот кога земјата била зафатена со низа политички масовни движења кои наскоро преминале во Културната револуција од 1966 година. Во следните десет години, сите археолошки работи биле запрени. Ву Хан, еден од клучните поборници на проектот, станал првата главна цел на Културната револуција, бил осуден и починал в затвор во 1969 година. Страсната Црвена гарда упаднала во музејот Динглинг и ги одвлекле посмртните останки на царот Ванли и царицата до предниот дел на гробницата, каде што постхумно биле „денунцирани“ и запалени. Уништени се и многу други артефакти.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.