![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/92/Syrian_Civil_War_map_%2528November_24%252C_2023%2529.svg/langmk-640px-Syrian_Civil_War_map_%2528November_24%252C_2023%2529.svg.png&w=640&q=50)
Граѓанска војна во Сирија
From Wikipedia, the free encyclopedia
Граѓанска војна во сирија[1][2][3][4] познато и како Бунт во Сирија[5] — тековен вооружен конфликт помеѓу претставниците на власта и опозицијата во Сирија. Почнала на 15 март 2011 година со истовремени демонстрации во повеќе сириски градови против сириската влада и претседателот на Сирија, Башар Ал Асад, под влијание на Арапската пролет. Протестите и демонстрациите подоцна прераснале во вооружен судир, а во 2012 година судирот преминал во граѓанска војна.
![Thumb image](http://upload.wikimedia.org/wikipedia/commons/thumb/9/92/Syrian_Civil_War_map_%28November_24%2C_2023%29.svg/640px-Syrian_Civil_War_map_%28November_24%2C_2023%29.svg.png)
![Thumb image](http://upload.wikimedia.org/wikipedia/commons/thumb/f/fa/%28Banyas_demonstration%29_%D9%85%D8%B8%D8%A7%D9%87%D8%B1%D8%A7%D8%AA_%D8%A8%D8%A7%D9%86%D9%8A%D8%A7%D8%B3_%D8%AC%D9%85%D8%B9%D8%A9_%D8%A7%D9%84%D8%BA%D8%B6%D8%A8_-_29_%D9%86%D9%8A%D8%B3%D8%A7%D9%86_2011.jpg/640px-%28Banyas_demonstration%29_%D9%85%D8%B8%D8%A7%D9%87%D8%B1%D8%A7%D8%AA_%D8%A8%D8%A7%D9%86%D9%8A%D8%A7%D8%B3_%D8%AC%D9%85%D8%B9%D8%A9_%D8%A7%D9%84%D8%BA%D8%B6%D8%A8_-_29_%D9%86%D9%8A%D8%B3%D8%A7%D9%86_2011.jpg)
![Thumb image](http://upload.wikimedia.org/wikipedia/commons/thumb/7/73/%D0%A1%D0%BE%D0%B1%D0%B8%D1%80_%D0%B2%D0%BE_%D1%81%D0%BE%D0%BB%D0%B8%D0%B4%D0%B0%D1%80%D0%BD%D0%BE%D1%81%D1%82_%D1%81%D0%BE_%D0%B1%D0%B5%D0%B3%D0%B0%D0%BB%D1%86%D0%B8%D1%82%D0%B5.jpg/640px-%D0%A1%D0%BE%D0%B1%D0%B8%D1%80_%D0%B2%D0%BE_%D1%81%D0%BE%D0%BB%D0%B8%D0%B4%D0%B0%D1%80%D0%BD%D0%BE%D1%81%D1%82_%D1%81%D0%BE_%D0%B1%D0%B5%D0%B3%D0%B0%D0%BB%D1%86%D0%B8%D1%82%D0%B5.jpg)
Во пролетта, 2011 година, сириската влада ја користи Војската на Сирија во гушење на протестите и демонстрациите. Неколку градови биле опседнати,[6][7] а во некои градови сириската војска користела и огнено оружје на демонстрантите.[8] Овој потег довел до револт во самите линии на вооружените сили, па еден број од припадниците на војската дезертирал и се приклучил на демонстрантите, а подоцна ја формирале Слободната армија на Сирија. Сириската власт сите вооружени формации ги оценувала како терористички т.е. дошло до вооружен судир помеѓу бунтовниците и регуларната војска.
Од јануари 2015 година, бројката на смртност пораснала на 220,000, а според проценките од април 2015 и до 310,000 жртви.
И едната и другата страна во конфилктот се обвинети дека правеле воени злосторства, ѕверства и тортура над затвореници како и користење на цивили како жив штит.[9][10][11][12][13]
Сериозноста на катастрофата во Сирија беше наведена од страна на Обединетите Нации и многу меѓународни организации. Повеќе од 7.6 милиони Сиријци беа раселени, повеќе од 5 милиони побегнаа од државата во соседните држави како Турција, Либан, Јордан, Ирак, Египет и Кувајт, и неколку стотици илјади побегнаа во подалечните земји како Германија и Грција и станаа мигранти. Милиони останати беа оставени во ниски животни услови со недостаток на храна и вода за пиење.