Глобица

Глобица — историско село во Осоговијата, во атарот на денешното село Бунеш, Општина Пробиштип. Денес, месноста е популарно одморалишно место и во него се наоѓа црквата „Св. Ѓорѓи“.

Глобица
Поглед на црквата „Св. Ѓорѓи“ со објекти во местото на некогашното село
Глобица Местоположба на Глобица во Македонија Глобица на карта
Координати 41°57′04″N 22°12′41″E
Регион	Источен
Општина	Пробиштип
Област	Осогово
Население	0 жит. (поп. 2021)[1]
Пошт. бр.	2210
Повик. бр.	032
Шифра на КО
Надм. вис.	400 м
Глобица на општинската карта Атарот на Глобица во рамките на општината
Глобица на Ризницата

Географија

Селото било сместено во Осогово, на десниот брег на Злетовска Река, меѓу селата Ратавица од север и Трипатанци од југ. Денес, месноста е популарно одморалишно место.^[2]

Историја

Селото е споменато како владение на блискиот Лесновски манастир во грамотата на цар Стефан Душан околу 1350 година, но отсуствува во грамотата на деспотот Константин Драгаш од 1381 година.^[3]

Население

Според статистиката на Васил К’нчов („Македонија, Етнографија и статистика“) од 1900 година, во Глобица живееле 65 жители, сите Македонци.^[4] Според егзархискиот секретар Димитар Мишев, („La Macédoine et sa Population Chrétienne“) во 1905 година во Бучиште имало 40 Македонци, под врховенството на Бугарската егзархија.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.^[6]

Самоуправа и политика

Кон крајот на XIX век, Глобица било село во Кратовската каза на Отоманското Царство.

Културни и природни знаменитости

Цркви^[7]

• Црква „Св. Ѓорѓи“ — манастирска црква.

Манастири

• Глобички манастир — нов манастир

Личности

Родени во или по потекло од Глобица

• Коце Лазаров - Коцо (1877/1880) — деец на ВМОРО, член на четата на Славчо Абазов^[8][9]

Галерија

• 
  Манастирската црква „Св. Ѓорѓи“
• 
  Објект во селото

Поврзано

• Осоговија
• Бунеш

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Агенција за иселеништво на Република Македонија^{[мртва врска]}
3. Хр. Матанов, Княжеството на Драгаши, София, 1997, с. 220
4. Васил Кънчов. „Македония. Етнография и статистика“. София, 1900, стр. 222.
5. Brancoff, D.M. "La Macédoine et sa Population Chrétienne". Paris, 1905, р. 130-131.
6. „200K Volkstumskarte Jugoslawien“.
7. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 28.
8. „Македоно-одринското опълчение 1912-1913 г. Личен състав“, Главно управление на архивите, 2006, стр. 403.
9. Доклад на международната комисия за разследване на причините и провеждането на Балканските войни (Карнегиева анкета), во: Другите Балкански войни, Фондация "Свободна и демократична България", София 1995, стр. 351

Надворешни врски

„Глобица“ на Ризницата ?