Гаруа
град во северен Камерун From Wikipedia, the free encyclopedia
град во северен Камерун From Wikipedia, the free encyclopedia
Гаруа (француски: Garoua, германски: Garua) — град во Камерун и седиште на Северниот регион. Претставува центар на текстилната и памучната индустрија и важен сообраќаен центар за речната пловидба. Во 2005 г. населението броело 235.996 жители.
Градот го основал фуланскиот емир Модибо Адама во првата половина на XIX век. Во времето на паробродовите станало важно речно пристаниште.[1]
Гаруа е сместена на северот на Камерун, на бреговите на реката Бенуе. Од неа се пристапува во Националниот парк Бенуе.[2] Има повеќе населби, и тоа Трговскиот центар, Лопере, Маруер и Јелва на северозапад, недалеку од меѓународниот аеродром.
Просечната температура во градот се движи од 26 °C во јануари до 33 °C во април.
Климатски податоци за Гаруа | |||||||||||||
---|---|---|---|---|---|---|---|---|---|---|---|---|---|
Месец | Јан | Фев | Мар | Апр | Мај | Јун | Јул | Авг | Сеп | Окт | Ное | Дек | Годишно |
Прос. висока °C (°F) | 34.4 (93.9) |
37.3 (99.1) |
39.8 (103.6) |
39.5 (103.1) |
36.5 (97.7) |
33.2 (91.8) |
31.1 (88) |
30.7 (87.3) |
31.5 (88.7) |
34.2 (93.6) |
36.0 (96.8) |
34.8 (94.6) |
34.9 (94.8) |
Сред. дневна °C (°F) | 26.0 (78.8) |
28.9 (84) |
32.2 (90) |
33.0 (91.4) |
30.7 (87.3) |
28.2 (82.8) |
26.6 (79.9) |
26.4 (79.5) |
26.7 (80.1) |
28.1 (82.6) |
27.3 (81.1) |
26.0 (78.8) |
28.3 (82.9) |
Прос. ниска °C (°F) | 17.5 (63.5) |
20.5 (68.9) |
24.7 (76.5) |
26.4 (79.5) |
24.9 (76.8) |
23.2 (73.8) |
22.2 (72) |
22.0 (71.6) |
21.9 (71.4) |
22.2 (72) |
19.2 (66.6) |
17.3 (63.1) |
21.8 (71.2) |
Прос. врнежи мм (ин) | 0.0 (0) |
0.0 (0) |
2.0 (0.079) |
44.1 (1.736) |
108.4 (4.268) |
134.8 (5.307) |
205.3 (8.083) |
247.9 (9.76) |
190.0 (7.48) |
63.3 (2.492) |
1.6 (0.063) |
0.0 (0) |
997.4 (39.268) |
Прос. бр. врнежливи денови (≥ 1.0 мм) | 0 | 0 | 1 | 5 | 9 | 11 | 14 | 17 | 24 | 6 | 1 | 0 | 88 |
Сред. бр. сончеви часови месечно | 275.0 | 252.6 | 260.1 | 245.4 | 256.7 | 224.4 | 194.0 | 187.2 | 204.5 | 261.5 | 279.2 | 286.5 | 2.927,1 |
Извор: НОАА[3] |
Според пописот од 2005 г. Гаруа има 235.996 жители кои му припаѓаат на народот Фулани.[4] Во градот има и значаен број на доселени Чаѓани и конзулат на Чад.[2]
Градот има пристаниште на четврто место по обем во земјата,[5] и има улога на важен трговски центар.[6] Најтргувани стоки се нафтата, цементот, кожата, кикиритките и памукот, кои се превезуваат на бродови по реката Бенуе до Буруту во Нигерија.[1] Памучната индустрија има долга историја и во градот има неколку тексилопреработувачки погони.[7] Тука е сместена една од главните експозитури на памучното претпријатие „Содекотон“.[8] Од важност се и кожарството и риболовот.[1]
Меѓу позначајните знаменитости во градот се Големата џамија и стадионот „Румде Адиџа“ со 35.000 седишта, дом на ФК Котон Спорт.[9] Има неколку банки и осигурителни друштва, болница и средно училиште.[1]
Гаруа има добра сообраќајна поврзаност со сопствен меѓународен аеродром[10]. Низ градот минува и Државниот автопат 1, на крстосница на патиштата за Маруа и Нгаундере.[1] Главниот месен пат низ градот и до аеродромот се нарекува „Ри де Жандермери“.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.