Водовод
From Wikipedia, the free encyclopedia
Водовод или систем за водоснабдување — систем од градби, уреди и инсталации наменети за снабдување со вода на станбени населби, индустрија, а делумно и земјоделство. Овој систем ја зафаќа водата, ја прочистува, ја доведува до места на потрошувачка и ја распределува. Имајќи ги предвид расположливите и потребните количини вода, се градат општински и регионални водоводи. Општинските водоводни претпријатија снабдуваат едно место или град со приградските населби. Регионални водоводи се градат во области каде што нема доволно вода во близина на секое населено место, па се прави зафат на вода на едно место во регионот и се спроведува до неколку населени места. Во зависност од начинот на работа, односно постигнување на потребниот притисок на водата, снабдувањето со вода може да биде гравитациско, под притисок или мешано.[1]
![Thumb image](http://upload.wikimedia.org/wikipedia/commons/thumb/a/ae/Drinking_water.jpg/250px-Drinking_water.jpg)
![Thumb image](http://upload.wikimedia.org/wikipedia/commons/thumb/2/23/Pont_du_gard.jpg/320px-Pont_du_gard.jpg)
![Thumb image](http://upload.wikimedia.org/wikipedia/commons/thumb/0/08/Wasseruhr-einstrahlig.jpg/640px-Wasseruhr-einstrahlig.jpg)