Википедија:Избрана статија/2012/05
From Wikipedia, the free encyclopedia
Еже во маглата (руски: Ёжик в тума́не) е советски анимиран филм од 1975 во режија на Јуриј Норштејн и продукција на Сојузмултфилм. Сценариото е напишано од страна на Сергеј Козлов, кој подоцна објавува и книга со истото име. Сепак, во 2006 година, книгата е реиздадена а како потписници на истата се јавуваат и Козлов и Норштејн; овде Норштејн појаснува дека и самиот тој има одреден удел во пишувањето на сценариото.
![Thumb image](http://upload.wikimedia.org/wikipedia/commons/thumb/1/1b/The_Soviet_Union_1988_CPA_5919_stamp_%28Hedgehog_in_the_Fog%29.jpg/640px-The_Soviet_Union_1988_CPA_5919_stamp_%28Hedgehog_in_the_Fog%29.jpg)
Еже во маглата се смета за еден од најдобрите цртани филмови во историјата. Во 1976 година, добива награда за најдобар филм на Кинофестивалот на републиките одржан во Фројнц како и на Техеранскиот филмски фестивал на децата и младината. Во 2003 година, пак, цртаниот е прогласен за најдобар на сите времиња откако е спроведена анкета меѓу 140 кинокритичари и аниматори од сите страни на светот. Претходно, на двапати оваа титула му е доделена на еден друг цртан филм на Норштејн - Приказна на приказните; овде тој завршува на второто место. (Дознајте повеќе...)