Браќа Грим
Јакоб и Вилхелм Грим / From Wikipedia, the free encyclopedia
Браќата Грим (германски: Die Brüder Grimm или Die Gebrüder Grimm) Јакоб Грим (4 јануари 1785 - 20 септември 1863) и Вилхелм Грим (24 февруари 1786 - 16 декември 1859) биле германски филолози, јазичари и собирачи на германското народно творештво. Тие се најпознати по своите збирки од сказни и бајки, наречени „Сказни на браќата Грим“. Браќата Грим се сметаат за основачи на германската филологија и на германистиката.