Азија
континент / From Wikipedia, the free encyclopedia
Азија — централен и источен дел од Евроазија, дефиниран со исклучувањето на европскиот полуостров од Евроазија. Геолошки и географски, Азија не е ниту континент ниту потконтинент. Азија, сепак, обично се смета за најголемиот континент на светот по површина и број на население (преку 4 милијарди жители или 60 отсто од светското население).
Површина | 44.579.000 км2[1] |
---|---|
Население | 4.164.252.000[2] |
Густина | 87 жит/км2 |
БДП (ном.) | $31.58 трилиони (2019) |
БДП (ПКМ) | $65.44 трилиони (2019) |
БДП/жител | $7,350 (2019) |
Демоним | Азијци |
Земји | 49 |
Зависни територии | 4 |
Земји вон ООН | 6 |
Јазици | Јазици во Азија |
Часовни појаси | UTC+2 - UTC+12 |
НДД | .asia |
Најголеми градови |
Азија (од асирскиот збор „асу“ = изгрејсонце) се наоѓа скоро целосно на северната полутопка, освен островскиот дел на Малајскиот Архипелаг, кој се спушта за 10 степени во јужната полутопка. Крајните точки на копнениот дел на Азија на север достигаат до ’ртот Чељускин на полуостровот Тајмир, на југ до ’ртот Буру на Малајскиот Полуостров, на исток до ’ртот Дежњов на Чукотскиот Полуостров и на запад до ’ртот Баба на полуостровот Мала Азија. Меѓутоа, ако се земе и островскиот дел на Азија, тогаш најсеверната точка се наоѓа на островот Северна Земја (81 СГШ), а најјужната на островот Роти (11 ЈГД) кој се наоѓа во групата на Малите Сундски Острови.
Уште од античко време границите помеѓу Европа и Азија се јасни и одат по линијата на Егејското Море, Дарданелите, Мраморното, Босфорот и Црното Море.