![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/40/Crux_constellation_map_mk.svg/langmk-640px-Crux_constellation_map_mk.svg.png&w=640&q=50)
Јужен Крст (соѕвездие)
From Wikipedia, the free encyclopedia
Јужен Крст — соѕвездие со местоположба високо на јужното небо, по површина е најмалото соѕвездие но сепак е највпечатливото од сите 88 современи соѕвездија. Името потекнува од латинскиот збор што значи крст, и се претставува со облик на крст, астеризам кој е познат како Јужен Крст. Иако било видливо за Старите Грци, истото се сметало за дел од соѕвездието Кентаур, и истото не било прецизно исцртано сè до XVI век.
лат. Crux | |
![]() | |
Кратенка | Cru |
---|---|
Генитивно | Crucis |
Симболизам | Јужен Крст |
Ректасцензија | 12,5 ч. |
Деклинација | −60° |
Квадрант | SQ3 |
Површина | 68 (°)² (88-мо) |
Главни ѕвезди | 4 |
Бајерови/Флемстидови ѕвезди | 19 |
Ѕвезди со планети | 2 |
Ѕвезди посјајни од 3,00m | 5 |
Ѕвезди во полупречник од 10,00 пс (32,62 сг) | 0 |
Најсјајна ѕвезда | Акрукс (α Cru) (0,87m) |
Најблиска ѕвезда | η Cru (64,22 сг, 19,69 пс) |
Месјеови објекти | 0 |
Метеорски дождови | Крукиди |
Соседни соѕвездија | Кентаур Мува |
Видливо на ширина од +20° до −90°. Најдобро се гледа во 21:00 ч. во текот на месец мај. |
Позната како Акрукс, сино-белата Алфа Јужен Крст е најсјајната ѕвезда во соѕвездието и ѕвездата на долната страна од крстот. Слични по сјајност се и Бета и Гама, додека пак Делта и Епсилон го образуваат астеризмот. Многу од сјајните ѕвезди на соѕвездието се дел од ѕвезденото здружение Скорпија-Кентаур, ретка група на топли сино-бели ѕвезди кои потекнуваат од исто место и се движат подеднакво низ Млечниот Пат. Кај системите од две ѕвезди се забележани планети. Соѕвездието исто така содржи и четири класични кефеиди кои можат да се забележат и со голо око при идеални услови. Јужен Крст исто така ги содржи и Кутија за Накит, сјајно растурено јато и маглината Торба за Јаглен, најзабележителната темна маглина на небесниот свод.