![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/49/Uranometria_orion.jpg/640px-Uranometria_orion.jpg&w=640&q=50)
Јохан Бајер
From Wikipedia, the free encyclopedia
Јохан Бајер (герм. Johann Bayer), (1572 – 7 март 1625) бил германски правник и астрономски картограф. Роден е во 1572 г во Рајн, Баварија. Во 1592 запишал филозофски студии во Инголштат, а подоцна се преселил во Аугсбург и станал правник. Таму почнал да ја изучува и практикува астрономијата. Во 1612 станал правен советник на градската управа на Аугсбург. Починал во 1625.
![Thumb image](http://upload.wikimedia.org/wikipedia/commons/thumb/4/49/Uranometria_orion.jpg/640px-Uranometria_orion.jpg)
Бајер е најпознат по неговиот ѕвезден атлас „Уранометрија“ (Uranometria, 1603), што претставува првиот атлас на сета небесна сфера.[1] Во него вовел нов систем на означување на ѕвездите, подоцна наречен „Бајерово означување“. Во делото се вклучени 12 нови соѕвездија од јужниот крај на небото што не им биле познати на старогрчките и римските астрономи.
Во негова чест е именуван кратерот Бајер на Месечината.