Јосиф Николај Лауренти

Јосиф Николај Лауренти^[1] (германски: Josephus Nicolaus Laurenti; 4 декември 1735 – 17 февруари 1805) — австриски природонаучник од италијанско потекло.

Првата скица на човечка рипка во Лаурентиевото дело Specimen Medicum (1768)

Лауренти е роден во Виена. Се смета за автор на класата влекачи (Reptilia) со делото Specimen Medicum, Exhibens Synopsin Reptilium Emendatam cum Experimentis circa Venena (1768) во кое расправа за улогата на отровот кај влекачите и водоземците. Ова е мошне значаен труд во историјата на херпетологијата, каде се определени триесетина рода на влекачи (за разлика, да речеме, од X издание на Линеевото дело „Систем на природата“ (1758), каде се даваат само десет. Во 1768 г. Лауренти објавил и дело на италијански, насловено како Il Dragone („Змеј“), каде го опишува слепиот дождовник наречен човечка рипка (Proteus anguinus) која ја зел од пештера како Постојнската Јама во Словенија, или можеби некаде во западна Хрватска). Ова е меѓу првите научни описи на пештерско животно во западниот свет.

Наводи

1. или Јозефус Николаус Лауренти

Надворешни врски

• Specimen Medicum, Exhibens Synopsin Reptilium Emendatam cum Experimentis circa Venena — Гетингенски центар за дигитализација