Јован Крстител
христијански светец / From Wikipedia, the free encyclopedia
Јован Крстител или Јован Претеча (старословенски: Іоаннъ Крестѧи, хебрејски: יוחנן המטביל, Yoḥanan ha-mmatbil, старогрчки: Ἰωάννης ὁ βαπτίζων, арапски: يحيىcode: ar is deprecated Yahyá или يوحنا المعمدان Yūhannā al-maʿmadān, арамејски: ܝܘܚܢܢ Yoḥanan)[2] — важен светец во христијанството, братучед на Исус Христос според Евангелието по Лука и човекот што го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление му го посветил на неговиот спомен.
Свети Јован Крстител | |
---|---|
Јован Претеча со крилја, претставен на фреска во Осоговскиот манастир | |
Пророк, Видовит, Крстител, Маченик, Сведок[1] | |
Роден(а) | 5 п.н.е., |
Починал(а) | 36 CE |
Почитуван(а) во | православие, католицизам, ислам, асирско православие, источни католички цркви, древноисточни цркви, англиканство, лутеранство, мандеанизам |
Главно светилиште | Ерусалим |
Слава | 24 јуни |
Обележја | крст |
Јован Крстител најверојатно имал голема улога во првите векови во христијанството, а според некои, тој дури имал и поголем број на верници. Денеска, во христијанството, Јован се смета за светец и маченик. Во исламот е познат како пророк Јахја ибн Закерија. Медејците, пак, го сметаат за единствен и вистински месија.