Хуан Баутиста де Толедо (шпански: Juan Bautista de Toledo; ~ 1515 - 19 мај 1567 ) — славен шпански вајар и архитект од Толедо или Мадрид.[1]
Ништо не се знае за неговото раѓање и детство, но во 1547 г., Толедо отишол во Рим и учел кај Микеланџело Буонароти. Потоа отишол во Неапол, каде бил повикан од поткралот, Дон Пјетро де Толедо, како архитект за Карло V. Таму конструирал многу згради, како: „Страда ди Толедо“ (од 1870 г. наречена „Страда ди Рома“), црквата „Св. Јаков Шпански“; квадратните бастиони за замокот „Кастело Нуово“; голема палата во Посилипо како и бројни фонтани.
Во 1559, повикан е во Мадрид од кралот Филип II и назначен за главен архитект за кралските изградби во Шпанија. Најпрвин платата не му била поголема од 220 дукати, заради мислењето на Филип дека шпанските архитекти треба да се плаќаат скромно додека не се докажат. Во Мадрид Толедо ја конструирал Каза де ла Мизерикордија и фасадата на црквата де лас Дескалцас Реалес. Исто така создал градби во Акека; палатата Аранхуес; во Мартининос де лас Посадас, палатата на кардиналот Еспиноза и вила кај Естебан де Амбран за секретарот Д. де Варгас. Толедовото последно дело била огромната палата „Ескоријал“, чија изградба ја надгледувал сè до неговата смрт.
Поврзано
Наводи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
