Стенфордска енциклопедија на филозофијата

Стенфордска енциклопедија на филозофијата (англиски: Stanford Encyclopedia of Philosophy или SEP) — слободна семрежна енциклопедија на филозофијата одржувана од Стенфордскиот универзитет од Стенфорд, Калифорнија, САД. Енциклопедијата најпрвин е создадена со државни пари од Националната субвенција за хуманитарни науки (National Endowment for the Humanities, NEH) и Националната научна фондација (National Science Foundation, NSF), но подоцна бил воведен долгорочен план за задржување на слободноста на енциклопедијата кој го поддржуваат многу универзитски библиотеки и библиотечни здруженија. Овие установи дорпинесуваат според планот осмислен од енциклопедијата во соработка со здружението Коалиција за академско издаваштво и извори (Scholarly Publishing and Academic Resources Coalition, SPARC), Меѓународната коалиција на библиотечни здруженија (International Coalition of Library Consortia, ICOLC) и Мрежата на југоисточни библиотеки (Southeastern Library Network, SOLINET), со исто финансирање од NEH. Секоја статија е напишана и одржувана од експерт на тоа поле, како професори од над 65 академски установи ширум светот. Иако е онлајн, енциклопедијата се користи со традиционалниот приод на сите енциклопедии и академски списанија за да постигне квалитет по пат на:

• стручни автори одбрани од уредници или кои се компетентни (иако не задолжително стручни) на темите во енциклопедијата; и
• рецензии.

Авторите кои придонесуваат кон енциклопедијата му одобруваат на Стенфордскиот универзитет да ги издава нивните статии, но ги задржуваат авторските права на тие статии.^[1]

Енциклопедијата е создадена во 1995 г. од страна на Едвард Н. Залта, со цел за обезбедување на динамична енциклопедија која ќе ажурира редовно, и така нема да може да застари како печатените енциклопедии. Енциклопедијата дозволува конкурентни статии на една иста тема, за да може да ги прикаже различните ставови и несогласувања помеѓу научните работници.

Поврзано

• „Семрежна енциклопедија на филозофијата“
• „Раутлеџова енциклопедија на филозофијата“
• „Кембрички филозофски речник“
• Список на семрежни енциклопедии

Наводи

1. За авторските права — Стенфордска енциклопедија на филозофијата (англиски)

Надворешни врски

• Стенфордска енциклопедија на филозофијата (англиски)
• Википедија:Споредба со Стенфордската енциклопедија на филозофијата (англиски)