From Wikipedia, the free encyclopedia
Аценокумарол (трговско име Sintrom) е антикоагуланс кој дејствува како антагонист на витаминот К. Претставува дериват на кумаринот и припаѓа на групата 4-хидроксикумарини. Други супстанци од оваа група кои се користат како антикоагуланси се варфарин (трговско име Coumadin, Marevan) и фенпрокумон (трговско име Marcumar, Falithrom).
Систематско (IUPAC) | |
---|---|
(RS)-4-hydroxy-3-[1-(4-nitrophenyl)-3-oxobutyl]-2H-chromen-2-one | |
Клинички податоци | |
Начин на издавање |
|
Начин на примена | Орално |
Фармакокинетички податоци | |
Метаболизам | црнодробен |
Полувреме на елиминација | 8 до 11 часа |
Назнака | |
CAS-број | 152-72-7 |
ATC код | B01AA07 |
ChemSpider | 10443441 |
UNII | I6WP63U32H |
KEGG | D07064 |
ChEMBL | CHEMBL397420 |
Хемиски податоци | |
Формула | C19H15NO6 |
Моларна маса | 353,326 g/mol |
SMILES
| |
(провери) |
Во 2023, е четириесетти најчесто пропишуван лек во Македонија, со повеќе од 151.000 рецепти.[1]
Аценокумаролот ја намалува склоноста кон згрутчување на крвта и формирање тромби (тромбоза) на начин што доведува до намалена продукција на факторите на коагулација кои се зависни од витамин К: II, VII, IX, X. Аценокумаролот ја спречува активноста на ензимите витамин К епоксид редуктаза и витамин К хинон редуктаза со што се инхибира претворање на витамин К во редуцирана форма. Редуциран витамин К е неопходен кофактор на ензимот гама глутамил карбоксилаза, кој има улога во карбоксилирање на следниве фактори на коагулација: II, VII, IX, X. Оваа модификација е неопходна за функција на факторите и овозможува врзување за калциум и фосфолипиди при одвивање на коагулацијата. Од овој процес, антикоагулационите белковина C (лат. це) и белковина S се исто така засегнати.
Аценокумарол е индициран за третман и превенција на болести кои се поврзани со патолошки зголемена тенденција за коагулација на крвта и како резултат на кои може да се формираат тромби. На пример:
Опасно кај:
Интеракции се можни, меѓу другото, со следниве лекови:
Поради високата содржина на витамин К, свежиот зеленчук (спанаќ, зелка) може да го намали антикоагулантното дејство на аценокумаролот, што мора да се земе предвид кога се јаде храна со висока содржина на витамин К.
Аценокумарол се зема еднаш дневно. Неопходни се редовни лабораториски проверки за да се утврди способноста за згрутчување на крвта (коагуабилноста) и постојано прилагодување на дозата врз основа на добиените резултати.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.