Fibrobacteres е мало бактерискоколено кое вклучува многу видови бактерии кои живеат во бурагот (предниот желудник) на преживарите. Тие учествуваат во процесот на разложување на целулозата од растителниот материјал. Членовите на ова колено порано биле категоризирани во други колена, на пример, родотFibrobacter (единствениот род на Fibrobacteres) бил отстранет од родот Bacteroides во 1988 година.[1]
Иако Fibrobacteres, кое се состои само од еден род Fibrobacter и два вида, моментално е признаено како посебно колено, филогенетските студии засновани на секвенци на белковините RpoC и гираза B, укажуваат на тоа дека видот Fibrobacter succinogenes е сроден со видовите на колената Bacteroidetes и Chlorobi.[2] Видовите од овие три колена се гранаат на иста позиција врз основа на CSIs (анг. conserved signature indels) во голем број на важни белковини.[3] Што е најважно, компаративни геномски студии откриле две CSIs (5-7 аминокиселини вметнати во RpoC белковини и 13-16 аминокиселини вметнати во серин хидроксиметилтрансфераза) и една специфичка белковина (PG00081) кои уникатно се споделени од сите видови на овие три колена.[4] Овие резултати даваат убедливи докази дека видовите на трите колена имаат заеднички предок и предложено е тие да бидат групирани во суперколеното "FCB".
Моментално прифатената таксономија се заснова на Списокот на имиња на прокариотите со евиденција во номенклатурата (анг. List of Prokaryotic names with Standing in Nomenclature - LPSN),[5]Националниот центар за биотехнолошки информации (анг. National Center for Biotechnology Information - NCBI)[6] и 16S рРНК-заснованото LTP ослободување 123 од Проектот "Животно дрво на сите видови" (анг. The All-Species Living Tree Project).[7]
Класа "Chitinispirillia" ♠ Sorokin et al. 2016
Ред "Chitinispirillales" Sorokin et al. 2016
Фамилија "Chitinispirillaceae" ♠ Sorokin et al. 2016
Род "Chitinispirillum" ♠ Sorokin et al. 2016
Вид "Chitinispirillum alkaliphilum" ♠ Sorokin et al. 2016
Класа Chitinivibrionia Sorokin et al. 2014
Ред Chitinivibrionales Sorokin et al. 2014
Фамилија Chitinivibrionaceae Sorokin et al. 2014
Род Chitinivibrio Sorokin et al. 2014
Вид Chitinivibrio alkaliphilus Sorokin et al. 2014
Класа Fibrobacteria Spain et al. 2012
Ред "Candidatus Fibromonadales" ♠ Abdul Rahman et al. 2016
Фамилија "Candidatus Fibromonadaceae" ♠ Abdul Rahman et al. 2016
Род "Candidatus Fibromonas" ♠ Abdul Rahman et al. 2016
Вид "Candidatus Fibromonas termitidis" ♠ Abdul Rahman et al. 2016
Ред Fibrobacterales Spain et al. 2012
Фамилија Fibrobacteraceae Spain et al. 2012
Род Fibrobacter Montgomery et al. 1988
Вид F. intestinalis Montgomery et al. 1988
Вид F. succinogenes (Hungate 1950) Montgomery et al.. 1988
Подвид F. s. elongatus Montgomery et al. 1988
Подвид F. s. succinogenes (Hungate 1950) Montgomery et al. 1988
Забелешки:
♠ Видови кои се наоѓаат во NCBI, но не се наведени во LSPN.
Коленото Fibrobacteres се смета дека е сродно со CFB [Cytophaga-Flavibacterium-Bacteroides]. Единствениот род во ова колено е Fibrobacter кој содржи видови од цревната микрофлора на цицачи како добитокот и свињите.[8] Двата опишани вида од овој род, Fibrobacter succinogenes и Fibrobacter intestinalis се важни членови на фибролитичките микробни заедници во цревата на цицачите.
Молекуларните докази засновани на гени на 16S рРНК изолирани од различни средини укажуваат на тоа дека ова колено е повеќе распространето отколку што порано се мислело.[9][10] Повеќето клонови изолирани од цицачите се групираат заедно со познатите изолати во Fibrobacteres потколено 1. Членовите на Fibrobacteres потколено 2, досега се пронајдени само во цревата на термитите[11] и во некои лебарки.[12] Доминантноста на Fibrobacteres потколено 2 во бактериските заедници кои разградуваат целулоза во цревата на термитот Nasutitermes corniger укажува на тоа дека тие играат важна улога во разградбата на растителниот материјал кај термитите.[13]
„Transfer of Bacteroides succinogenes (Hungate) to Fibrobacter gen. nov. as Fibrobacter succinogenes comb. nov. and description of Fibrobacter intestinalis sp. nov“. Int. J. Syst. Bacteriol. 38 (4): 430–435. 1988. doi:10.1099/00207713-38-4-430.
Gupta, R. S. (2004). „The phylogeny and signature sequences characteristics of Fibrobacteres, Chlorobi, and Bacteroidetes“. Critical Reviews in Microbiology. 30: 123–140. doi:10.1080/10408410490435133. PMID15239383.
Griffiths, E; Gupta, RS (2001). „The use of signature sequences in different proteins to determine the relative branching order of bacterial divisions: evidence that Fibrobacter diverged at a similar time to Chlamydia and the Cytophaga- Flavobacterium-Bacteroides division“. Microbiology. 147: 2611–22. doi:10.1099/00221287-147-9-2611. PMID11535801.
Mikaelyan, A.; Dietrich, C.; Köhler, T.; Poulsen, M.; Sillam-Dussès, D.; Brune, A. (2015). „Diet is the primary determinant of bacterial community structure in the guts of higher termites“. Molecular Ecology. 24 (20): 5824–5895. doi:10.1111/mec.13376. PMID26348261.
Mikaelyan, A.; Strassert, J.; Tokuda, G.; Brune, A. (2014). „The fibre-associated cellulolytic bacterial community in the hindgut of wood-feeding higher termites (Nasutitermes spp.)“. Environmental Microbiology. 16 (9): 2711–2722. doi:10.1111/1462-2920.12425.