американски шахист From Wikipedia, the free encyclopedia
Хикару Накамура (јапонски: 中村光, англиски: Hikaru Nakamura) — американски шахист, стример, велемајстор (2003), петкратен шампион на САД (2004/2005, 2009, 2012, 2015, 2019), еден од водечките шахисти во светот. Од 2022 г. е Светски шампион во шах Фишер. Родителите на Накамура, татко Јапонец и мајка Американка, се преселиле со својот син во САД две години по неговото раѓање. Хикару почнал да игра шах на 7-годишна возраст под водство на неговиот очув, познатиот американски шаховски тренер Сунил Верамантри. Три години подоцна, на возраст од 10 години и 79 дена, Накамура станал најмладиот мајстор на Американската шаховска федерација во историјата, а на возраст од 15 години и 79 дена ја добил титулата меѓународен велемајстор на ФИДЕ, соборувајќи го рекордот за американски шахисти претходно поставен од Роберт Фишер.
Хикару Накамура | |
---|---|
Накамура во 2016 г. | |
Роден(а) | 9 декември 1987 Хираката, Јапонија |
Државјанство |
|
Занимање |
|
Активен период | 1998— |
Во 2018 г., Хикару Накамура започнал да се појавува на платформата Twitch под корисничкото име „GMHikaru“. Тој игра брз шах против велемајстори, други стримери и гледачи што плаќаат за да се претплатат на неговиот канал. Во 2020 г., за време на пандемијата КОВИД-19, шахот станал значително попопуларен на Twitch, а Хикару стекнал широка слава.[1] Публиката на неговиот канал се зголемила десеткратно помеѓу февруари и јуни 2020 г.[2] На 27 август 2020 г., Накамура потпишал шестцифрен договор со организацијата за киберспортови Team SoloMid (TSM), што го прави еден од првите шахисти што се приклучил на екипа за киберспортови.[3][4] На 14 февруари 2021 г., Накамура достигнал еден милион претплатници на неговиот канал на Twitch, GMHikaru.[5]
Накамура има и канал на YouTube наречен „GMHikaru“. На 5 мај 2021 г., Хикару достигнал еден милион претплатници на својот канал на YouTube.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.