From Wikipedia, the free encyclopedia
Социјалистичката партија на Македонија (СПМ) е партија која себеси се одликува како партија со социјалистичка ориентација. Нејзин основоположник и прв претседател е Киро Поповски, a водач е Љупчо Димовски.
Социјалистичка партија на Македонија | |
|---|---|
 | |
| Водач | Љупчо Димовски |
| Основана | 22 септември 1990 |
| Штаб | Скопје |
| Младина | Млади социјалисти на Македонија |
| Идеологија | социјалдемократија, марксизам-ленинизам |
| Полит. положба | Левица |
| Меѓународна припадност | нема |
| Европска припадност | нема |
| Бои | црвена, жолта |
| Собрание | 2 / 120 |
| Општини | 1 / 80 |
| Мрежно место | |
| http://www.spm.org.mk | |
| Политика на Република Македонија Политички партии Избори | |
СПМ е основана на 22 септември 1990 година. Таа е правен наследник на Социјалистичкиот сојуз на работниот народ на Македонија.
Првиот конгрес на Партијата се одржа во јуни 1991 година и на Конгресот беше усвоена Политичка програма и Статут на партијата. Партијата зема учество во првите плуралистички парламентарни избори во 1990 година и освојува 6 пратеници во Парламентот. На вторите парламентарни избори во 1994 година СПМ настапува во коалиција со Социјалдемократскиот сојуз на Македонија и Либералната партија, освојува 8 пратенички места и станува четврта партија според бројот на пратеници во Собранието. Партијата партиципира во Владата со тројца министри и еден потпретседател на Собранието.
На Вториот конгрес на СПМ, кој се одржа во јули 1995 година, на местото на првиот претседател Киро Поповски, за претседател на партијата е избран Љубисав Иванов - Ѕинго. Неговиот избор за претседател на партијата беше потврден на Третиот конгрес на СПМ во март 2000 година.
По долгогодишното сојузништво со СДСМ, на изборите 2002 СПМ настапува самостојно, освојувајќи 2,1% од гласовите и еден мандат во Собранието. Подоцна, во декември 2003 година, СПМ стапува во коалиција со Демократска алтернатива и со Демократскиот сојуз, наречена „Третпат“. По повлекувањето на ДА од коалицијата пред локалните избори 2005, СПМ продолжи да биде во коалиција со ДС, а подоцна овие две партии влегоа во изборниот блок предводен од ВМРО-ДПМНЕ, во чиј состав настапија и на парламентарните избори 2006 година. На овие избори во Македонското собрание беа избрани тројца пратеници од СПМ, и тоа Љубисав Иванов - Ѕинго, Владанка Авировиќ и Зоран Витанов. СПМ беше застапена и во Владата на Никола Груевски со еден министер, Ацe Спасеновски, како министер за земјоделство.
На предвремените парламентарни избори во 2008, СПМ учествува во коалицијата предводена од ВМРО-ДПМНЕ и освојува три мандати. Пратеници од СПМ стануваат: Љубисав Иванов - Ѕинго, Владанка Авировиќ и Јован Лазарев. На парламентарните избори во 2011 година СПМ повторно е дел од коалицијата предводена од ВМРО ДПМНЕ и освојува три пратенички мандати.
На парламентарните избори во 2020 година, партијата учествувала во коалиција предводена од ВМРО-ДПМНЕ освоила 2 пратенички места.
На парламентарните избори во 2024 година, партијата учествувала во коалиција предводена од ВМРО-ДПМНЕ, и освоила 2 пратенички места.
Како дел од СПМ делува и нејзиниот подмладок, Млади социјалисти на Македонија, чиј претседател е Кристијан Ристовски.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
