СОЗШУ „Ѓорче Петров“ - Кавадарци

СОЗШУ„Ѓорче Петров“ — средно училиште во Кавадарци, Општина Кавадарци^[1].

СОЗШУ „Ѓорче Петров“
Место
Општина:	Кавадарци
Место:	Кавадарци
Адреса:	ул. Шишка бр.23
Основни информации
Основано:	1956; пред 69 години (1956)
Директор:	Ратка Росомански
Настава на:	македонски
Контактни информации
Портал	www.sozsugjp.edu.mk

Основање и развој

Бистата на патронот Ѓорче Петров во училиштето.

Претходница на ова училиште било основано во 1945-46 година кога била создадена една шумарска паралелка во рамките на Дрвното Техничко училиште “Здравко Цветковски” од Скопје. На 16 јули 1956 година, преку решението број 14982 на титовелешката околија,^[2] средното земјоделско-шумарско училиште било основано со двете насоки – општа шумарска (две паралелки) и лозаро-винарска (една паралелка). Од 1965 до 1984 година училиштето се поделило и се обликувале две училишта, шумарски училиштен центар и лозаро-винарски училиштен центар, кои во учебната 1983-84 година повторно биле споени.

Од работата на училишниот центар од 1965 година добиени се и оформени следните производни објекти за обавување на практична настава:^[2] Декоративен расадник; Оранжерија; Ботаничка градина; Работилница; Ниско стеблеста шума – “Љубаш”; Наставно-научна шума – “Михајлово”; Полигон за обука на шумарски работници, а по интеграцијата во учебната 1983-84 година изградена е нова зграда на училишниот центар од 2000 м2, работилница за дрво-преработувачка струка, машинаска работилница, обновени се оранжериите, преуреден е училишниот двор, асвалтирани се спортските игралишта, патеките и училишниот двор и започната е изградбата на објектот за теренска настава во месноста Михајлово.

Во 1987 година, училиштето било проширувано.^[2]

Од 1992 година училиштето го носи називот СОЗШУЦ “Ѓорче Петров”. Училиштето како воспитно-образовна и стручна установа континуирано постигнува забележителни резултати во образованието, воспитанието и стручното оспособување на кадрите. Училиштето го посетуваат 716 ученика расподелени во 24 паралелки во четири наставни години, а во него работат 50 наставници, и се школуваат кадри од 4-ти и 5-ти степен стручна подготовка. Училиштето поседува и библиотека со книжен фонд од над 13 000 книги. Во училиштето се школуваат ученици од сите краишта на државата.

Учество на натпревари

Во месец мај 2010 година на „Државната смотра на млади техничари“ одржана во Гостивар, во приватното средно училиште Јахја Кемал, ученикот Попов Митко од III-3 клас, освоил трета награда на државно ниво, во дисциплината информатика - примена на софтвер. Ментор на ученикот бил професорот по информатика Тодоров Ѓоко.

Освоени награди

Познати личности кои учеле во ова училиште

• Љупчо Бубо Каров - К15 продукција
• Ѓоко Танески - пејач, претставник на Евросонг од Македонија
• Горан Самарџиев - кошаркар
• Колев - ракометар
• Ацо Трендафилов - професор на Шумарски факултет

Познати личности кои предавале во ова училиште