Национални паркови во Нов Зеланд

Нов Зеланд има 13 национални паркови под управа на Службата за заштита на природата на Нов Зеланд.

Националните паркови во Нов Зеланд (обележани со зелено)

Со Законот за национални паркови од 1980 г., национални паркови и резервати се создаваат во области каде пределите и пределите се од особен квалитет, или пак природните одлики или еколошките системи се од таква научна важност, што се смета дека нивното запазување е од национален интерес. Законот и овозможува на јавноста слобода на влез и пристап во парковите^[1], но со услови и ограничувања кои се неопходни за зачувувањето на автохтоните растенија и животни, или воопшто за благосостојбата на паркот. Постојат и особено заштитени подрачја (550 км²) во кои може да се влезе само со писмена дозвола.

Законот налага националните паркови да се одржуваат во што поприродна состојба, со што би се одржала нивната вредност како почва, вода и шуми. Автохтоните растенија и животни се заштитени, додека донесените растенија и животни се отстрануваат доколку нивното присуство ги пореметува пропишаните цели. Градежните активности во дивите предели се ограничени на правење планинарски патеки и колиби кои се од суштинска важност за контролирање на дивите животни и вршење на научни истражувања. Законот ѝ дозволува на Службата за заштита на природата да гради планинарски домови, колиби, кампови, жичници и слични објекти, како и паркинзи, патишта и патеки. Сместувањето, превозот и други услужни дејности на влезните места во парковите го овозможува службата, други владини установи, доброволни организации и приватни фирми. Некои услуги во парковите, како обиколки со водич и обука по скијање, ги овозможуваат приватни фирми со повластици од службата.

Список на национални паркови

Од север кон југ, националните паркови во Нов Зеланд се следниве:

Национален парк	Површина (км2)	Прогласен	Местоположба	План. домови	Опис
Те Уревера	&100000000000021270000002.127	1954 (уникат во 2014 г.)	38°45′S 177°9′E	29	Заедно со соседниот шумски парк Фиринаки, поранешниот парк Те Уревера е најголемиот сочуван предел со автохтони шуми на Северниот Остров. Езерото Ваикаремоана во паркот е познато по неговото живописно крајбрежје. Укинат е во 2014 г.
Тонгариро*	&10000000000000796000000796	1887	39°12′S 175°35′E	10	Првиот национален парк во Нов Зеланд. Претставува светско наследство на УНЕСКО поради природното и културното значење. Има свети места за Маорите и три активни вулкани: Руапеху, Нгаурухое и Тонгариро.
Егмонт	&10000000000000335000000335	1900	39°16′S 174°6′E	8	Го опфаќа целото земјиште во полупречник од околу девет километри, од планината Таранаки/Егмонт и некои погранични предели на север. Симетричниот конус на заспаниот вулкан е регионално обележје.
Фангануи	&10000000000000742000000742	1986	39°35′S 175°5′E	5	Се граничи со реката Фангануи. Сочинет е од крунска земја, поранешна државна шума и разни поранешни резервати.
Абел Тасман	&10000000000000225000000225	1942	40°50′S 172°54′E	7	Има многубројни приливни мореузи и плажи со златен песок долж крајбрежјето на Тасмановиот Залив. Ова е најмалиот национален парк во Нов Зеланд.
Кахуранги	&100000000000045200000004.520	1996	41°15′S 172°7′E	51	Се наоѓа северозападиот дел од Јужниот Остров. Полн со извонредни и изолирани предели. Има прастари земјишни облици и уникатна флора и фауна. Овој национален парк е втор по големина во земјата.
Нелсонски Езера	&100000000000010180000001.018	1956	41°49′9″S 172°50′15″E	20	Дива и нерамна планинска област во регионот Нелсон. Се протега на југ од пошумените брегови на езерата Ротоити и Роторуа па сè до Националниот резерват Луисов Премин.
Папароа	&10000000000000306000000306	1987	42°5′S 171°30′E	0	На Западното Крајбрежје на Јужниот Остров помеѓу Вестпорт и Грејмут. Во паркот се наоѓаат прочуените „Карпи-Палачинки“ (Pancake Rocks) кај Пунакаики.
Артуров Превој	&100000000000011440000001.144	1929	42°57′S 171°34′E	28	Дива планинска област која се протега напреку главната делница на Јужните Алпи.
Вестленд Таи Поутини*	&100000000000011750000001.175	1960	43°23′S 170°11′E	12	Се протега од највисоките врвови на Јужните Алпи до диво изолирано крајбрежје. Во паркот има ледници, живописни езера и густа дождовна шума, како и остатоци од рударски населби долж крајбрежјето.
Аораки/Кукова Планина*	&10000000000000707000000707	1953	43°44′S 170°6′E	16	Алпски парк, со највисоката планина во земјата: Кукова Планина или Аораки (3.754 м) и најдолгиот ледник — Тасмановиот Ледник (29 км). Областа е мошне популарна за планинарство, скијање и туристичко надлетување. Овој парк има предели со извонредна природна убавина. Овој нацинален парк, заедно со националниот парк Вестланд се прогласени за светско наследство.
Маунт Аспајринг*	&100000000000035550000003.555	1964	44°23′S 168°44′E	19	Комплекс од импресивно глацијализирани планиниски предели распределени околу планината Маунт Аспајринг (Тититеја) (3.036 м), која е највисока во земјата вон националниот парк Аораки/Кукова Планина.
Фјордленд*	&1000000000001251900000012.519	1952	45°25′S 167°43′E	51	Најголемиот национален парк во Нов Зеланд и еден од најголемите во светот. Со неговите величествени предели со длабоките фјордови, леднички езера, планини и водопади, паркот се стекнал со меѓународна слава како светско природно наследство.
Ракиура	&100000000000015000000001.500	2002	46°54′S 168°7′E	24	Зафаќа околу 85% од Стјуартовиот Остров (Ракиура) и е најнов национален парк во земјата.

* — светско наследство на УНЕСКО или дел од него.

Поврзано

• Регионални паркови во Нов Зеланд
• Шумски паркови во Нов Зеланд
• Заштитени области во Нов Зеланд

Наводи

1. „8. Benefit, Use and Enjoyment of the Public: General Policy for National Parks“. doc.govt.nz. Department of Conservation. Архивирано од изворникот на 2010-05-15. Посетено на 14 August 2010.

Надворешни врски

• Национални паркови — Служба за заштита на природата (англиски)