From Wikipedia, the free encyclopedia
Мазда (јапонски: マツダ株式会社|) — јапонско мултинационално претпријатие за производство на моторни возила, со седиште во Фунчу, Хирошима.[1] Претпријатието е основано на 30 јануари 1920 година од Џуџиро Мацуда, под името Тојо Корк Коџо, за се занимавало со производство на тапи.[2] Во 1927 година го променило името во Тојо Коџо, а четири години подоцна започнало да произведува автомобили.[3] Името „мазда“ е изведено од Ахура Мазда, богот на хармонијата, интелигенцијата и мудроста во зороастризмот, како и од презимето на основачот.[4] Мазда е еден од најголемите автопроизводители во светот. Во 2015 година, производството изнесувало 1,5 милиони возила од кои речиси еден милион биле произведени во Јапонија, а останатите во другите земји.[5] Истата година, Мазда се наоѓала на 15. место во светот според бројот на произведените автомобили.[6] Таа е позната и по учеството во автомобилските трки при што во 1991 година нејзиниот модел Мазда 787В победил на познатат трка 24 часа Ле Ман.[7] Инаку, Мазда е вклучена во неколку соработки и алијанси со други автопроизводитлеи, како: Тојота, Нисан, Исузу, Сузуки и Форд.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.