Лозово

Лозово — село во Општина Лозово, во областа Овче Поле, на патот помеѓу Велес и Штип. Старото име на селото е Џумајлија. Претставува едно од најголемите штипски села, а воопшто и овчеполски. Селото е административно седиште на истоимената општина.

Лозово
Панорама на Лозово
Лозово Местоположба на Лозово во Македонија Лозово на карта
Координати 41°47′2″N 21°54′20″E
Регион	Вардарски
Општина	Лозово
Област	Овче Поле
Население	756 жит. (поп. 2021)[1]
Пошт. бр.	2208
Шифра на КО	24043, 24543
Надм. вис.	324 м
Лозово на општинската карта Атарот на Лозово во рамките на општината
Лозово на Ризницата

Географија и местоположба

Селото Лозово се наоѓа во западниот дел на Овче Поле, оддалечено 15 километри североисточно од Велес и 19 километри југозападно од Свети Николе.

Историја

Лозово е населено уште од неолитско време, за што сведочат остатоците од две населби од тоа време.^[2]

На крајот на XIX век селото било дел од Штипската каза на Отоманското Царство.

Демографија

Според податоците на бугарскиот етнограф Васил К’нчов, селото во 1900 година имало 150 Турци.^[3]

Како турско село означено било и од страна на Леонард Шулце Јена и Димитар Гаџанов.

Според германска карта издадена во 1941 година, а заснована на пописот на Кралството Југославија од 1931 година, селото имало 300 Турци.^[4]

Лозово е средно по големина село, коешто во 1961 година имало 570 жители, а во 1994 година 946 жители, од кои 889 биле Македонци, 5 Турци, 39 Власи, 6 Срби и седум други.

На пописот од 2002 година, селото имало 896 жители и спаѓа во групата на големи села. Следува табела на националната структура на населението^[5]

Националност	Вкупно
Македонци	889
Албанци	0
Турци	5
Роми	0
Власи	26
Срби	0
Бошњаци	0
останати	6

На табелата е прикажан националниот состав на населението низ сите пописни години:^[6]

Население во минатото

Година Нас. ±% 1948 521 —     1953 625 +20.0% 1961 570 −8.8% 1971 766 +34.4% 1981 959 +25.2%	Година Нас. ±% 1991 943 −1.7% 1994 946 +0.3% 2002 896 −5.3% 2021 756 −15.6%

Година	Македонци	Албанци	Турци	Роми	Власи	Срби	Бошњаци	Ост.	Лица без под.	Вкупно
1948	—	—	—	—	—	—	—	—	—	521
1953	30	—	571	16	—	—	—	8	—	625
1961	520	3	13	—	—	7	—	27	—	570
1971	695	—	10	—	...	8	—	56	—	766
1981	871	—	4	—	36	15	—	33	—	959
1991	874	—	5	—	40	13	—	11	—	943
1994	889	—	5	—	39	6	—	7	—	946
2002	851	—	8	—	26	—	—	6	—	896
2021	672	1	24	—	18	10	—	1	30	756

Во пописот од 1953 година, 91 % од вкупното население го сочинувале Турци, кои во средината на 50-тите години масовно се иселуваат во Турција и на нивното место се населуваат Македонци од Кривопаланечко и Кратовско. Освен Македонците во Лозово живее и мала заедница на влашко население.

Родови

Според истражувањата од 1958 година, родови во селото

Српски

• Доселеници: Симо (1 к.), Томо (1 к.) и Нестор (1 к.) доселени се во 1923 година како колонисти. Последниот е од Хрватска, а другите од Србија.

Македонски

• Доселеници: Доселени се во периодот помеѓу 1954-1958 година. Од Кочанско (4 семејства). Рудник кај Велес (1 семејство). Лесново кај Пробиштип (2 семејства). од Кривопаланечко (70 семејства, од Станча, Дурачка Река, Дренак). и од Кратовско (10 семејства).

Албански

• Доселеници: Доселени помеѓу 1954 и 1958 година. од околината на Гнилане (7 семејства). и од околината на Урошевац (4 семејства). Подоцна иселени.^[7]

Општествени установи

Црквата „Св. Петка“ во Лозово

• Црква „Св. Петка“ - Лозово

Самоуправа и политика

Избирачко место

Во селото постои избирачкото место бр. 1706 според Државната изборна комисија, сместени во просториите на основното училиште.^[8]

На претседателските избори во 2019 година, на ова избирачко место биле запишани вкупно 645 гласачи.^[9]

Културни и природни знаменитости

Археолошки наоѓалишта^[2]

• Ливади - Огради — населба од неолитско и римско време
• Старо Село - Ќоочун — населба од неолитско време

Спорт

• ФК Работник, има настапувано во Втората македонска фудбалска лига

Иселеништво

Од 1954 до 1958 година од селото се иселиле 66 турски семејства во Турција. Турците заминале во Измир и во местото Дургут во непосредна близина на Измир.^[7]

Поврзано

• Овче Поле
• Општина Лозово
• Свети Николе

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 354. ISBN 9989-649-28-6.
3. Кънчов, Васил. „Македония. Етнография и статистика“. София, 1900, стр.226.
4. „200K Volkstumskarte Jugoslawien“.
5. Попис на населението, домаќинствата и становите во Република Македонија, 2002 - Книга X
6. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
7. Трифуноски, Јован (1961). Овчеполска Котлина.
8. „Описи на ИМ“. Архивирано од изворникот на 2023-08-17. Посетено на 3 ноември 2019.
9. „Претседателски избори 2019“. Архивирано од изворникот на 2019-12-29. Посетено на 3 ноември 2019.

Надворешни врски

• Лозово на Ризницата ^?
• Сателитска снимка на Лозово на Карти на Гугл
• Општина Лозово