Леонардо Бонучи

Леонардо Бонучи (роден во Витербо, 1 мај 1987) — италијански фудбалер, играч од одбраната на Унион Берлин и на италијанската репрезентација.

Леонардо Бонучи
Лични податоци
Роден на	1 мај 1987(1987-05-01) (37 г.)
Роден во	Витербо, Италија
Држава	Италија
Висина	&100000000000001910000001,91 м
Позиција	одбрана
Клупски податоци
Сегашен клуб	Унион Берлин
Број	23
Младинска кариера
	Витербезе
	Интер
Кариера*
Години	Клуб	Наст.	(Гол.)
2005-2009	Интер	1	(0)
2006-2008	→ Тревизо	40	(4)
2009	→ Пиза	18	(1)
2009-2010	Бари	38	(1)
2010-2017	Јувентус	227	(15)
2017-2018	Милан	35	(2)
2018-2023	Јувентус	130	(14)
2023-	Унион Берлин	0	(0)
Репрезентација ‡
2010-	Италија	121	(8)
* Ажурирано на: 13 мај 2012 ** Ажурирано на: 1 јули 2012

Кариера

Рани години

Бонучи ја започнал својата кариера во младинските категории на тимот на Интер од каде се пробил до првиот тим. Сепак, тој одиграл само еден натпревар за Интер во Серија А против Каљари во сезоната 2004-05. Тој поминал периоди на заем во Тревизо и во Пиза по што се вратил во Интер во мај 2009 година. Но, во својот матичен клубот не останал за долго затоа што на 1 јули од страна на Интер било објавено дека тој заедно со Роберт Аквафреска, Франческо Болцони и Рикардо Mеџорини се продадени на Џенова како дел од трансферите на Тиаго Мота и Диего Милито во Интер.

Бари

Само што пристигнал во Џенова, веќе следниот ден (2 јули) Бонучи направил уште еден трансфер откако Џенова му продала половина од договорот на играчот на Бари како и правото да настапува за овој клуб во наредната сезона. Бонучи веднаш станал прв избор во центарот на одбраната на тренерот Џампјеро Вентура и оформил силно партнерство со Андреа Ранокија. Во еден момент од средината на сезоната Бари имал втора најдобра одбрана во лигата, а и завршувањето на сезоната во првиот дел од табелата исто така дошло пред сè благодарение на добрата игра во дефанзивен план.

Јувентус

На истиот ден кога Италијанската репрезентација била елиминирана од Светското првенство, Бари ги откупил преостанатите половина права на Бонучи од Џенова за € 8M. Потоа, Бари потпишал и со Серхио Бернардо Алмирон во ко-сопственост договор за 2,5 милиони €, кои веќе настапувал тука на позајмица од Јувентус во сезоната 2009-10. Џенова пак ги откупила преостанатите 50% од правата на Доменико Крисито од Јувентус за 6 милиони € следниот ден. Веднаш по овие трансфери Бонучи заминал во Торино на медицински прегледи, и замената во 3-насоки завршила на 1 јули, кога Бонучи го комплетирал својот трансфер во Јуве за сума од 15,5 милиони € (пари во готово плус замена на играчи) и потпишал 5-годишен договор.

Своето деби за „Старата дама“ Бонучи го имал токму против својот поранешен тим, Бари во порзот на неговиот тим нагости со 1-0. Бонучи бил стандарден во одбраната на Јувентус во текот на својата прва сезона, играјќи како партнер во центарот на одбраната со својот колега од репрезентацијата Џорџо Кјелини. Бонучи одиграл 34 од 38-те меча во Серија А и бил еден од најчесто користените играчи на тимот. Тој го постигна својот прв гол за Јувентус во Лига Европа плеј-оф мечот против Штурм Грац.

Својот прв гол во дресот на Јувентус во Серија А, Бонучи го постигна на 25 октомври 2011 кога неговиот тим ја победи дома екипата на Фиорентина со 2-1. Тој го постигна првиот гол во мечот во 13-тата минута. Истата сезона тој постигнал гол и во уште една победа на неговиот тим на гостувањето во Сицилија против Палермо и повторно го постигнал првиот погодок во мечот што завршил 2-0 за Јувентус.

Титули

Јувентус

• Серија А (8) : 2011-12, 2012-13, 2013-14, 2014-15, 2015-16, 2016-17, 2018-19, 2019-20
• Куп на Италија (4) : 2014-15, 2015-16, 2016-17, 2020-21
• Суперкуп на Италија (5) : 2012, 2013, 2015, 2018, 2020

Надворешни врски

• Леонардо Бонучи на soccerway