Корално Море

Корално Море — големо море во Тихиот Океан што се протега од североисточна Австралија, околу 1.300 км источно кон островскиот ланец Вануату (порано Нови Хебриди). Основен земјиштен облик е Големиот Корален Гребен, најголем корален гребен во светот, кој се протега 2,010 км по должината на брегот на Квинсленд. Меѓутоа, овој гребен зафаќа мала површина од целото Корално Море. Источно од него, а северно од 20 степени географска ширина, се наоѓаат голем број одделни гребени и островчиња, познати под заедничкото име Коралноморски Острови, која се издига на површината од познатото Корално Плато. Североисточно од Коралното Плато се наоѓа голем и длабок корален басен, а понатаму на исток кон Вануату има други длабоки басени. Рабовите на тектонските плочи се наоѓаат на северните и источните рабови на морето, каде Индиската и Австралиската Плоча се подвлекуваат под соседните плочи. Овие рабови се обележани со длабоки вдлабнатини, пред е се со Вануату Ровот. Главна струја во Коралното Море е Јужната екваторска струја која тече од исток. Додека се приближува кон Квинсленд, таа се дели на два разграноци, еден кој оди низ источниот брег на Австралија како Источноавстралијанска струја, а втората се движи кон север, кон Папуа Нова Гвинеја, а потоа се враќа кон исток преку северниот дел на Коралното Море. Ова море има суптропска клима и е подложно на тајфуни, особено од јануари до април.

Мапа на Коралното Море

Коралното Море како тема во уметноста и во популарната култура

• „Корално Море“ (The Choral Sea) - песна на новозеландската рок-група „Сплит енз“ (Split enz) од 1980 година.^[1]

Поврзано

• Коралноморски Острови

Наводи

1. YouTube, Split Enz-True Colours (Full Album) 1980 (пристапено на 6.6.2017)