Пиерија (округ)

Пиерија (грчки: Πιερία) — округ во јужниот дел на Егејска Македонија, денес дел од областа Централна Македонија во Грција. Административен центар е градот Катерина. Ова е најмалиот округ во Егејска Македонија и приближно се совпаѓа со она што традиционално го нарекуваме „Катеринско“, иако опфаќа и некои места од Берско и Солунско. Денешниот назив го добил по долномакедонската област Пиерија, согласно грчката политика на присвојување на древната историја на Македонија.

Пиерија Περιφερειακή ενότητα Πιερίας
Округ
Општини во округот Пиерија
Пиерија во Грција
Координати: 40°15′N 22°25′E
Земја	Грција
Област	Централна Македонија
Админ. центар	Катерина
Управа
• Управник	Софија Мавриду
Површина
• Вкупна	1.516 км2 (585 ми2)
Население (2021)
• Вкупно	123.245
• Густина	81/км2 (210/ми2)
Поштен. бр.	60x xx
Повик. бр.	235x0
Рег. таб.	ΚΝ
Мреж. место	pieria.pkm.gov.gr

Изобилува со археолошки знаменитости и наоѓалишта, како што се светиот македонски град Дион, историската Пидна и замокот Платамон. Според преданијата, планината Шапка (наречена и Пиерија) во округот е дом на Орфеј^[1] и музите,^[2]. Во јужниот дел на Пиерија се наоѓа и Олимп — највисока планина во егејска македонија и цела денешна Грција, која митолошки се смета за дом на боговите. Други позначајни древни градови се Лејбетра и Пимплеја.

Географија

Округот административно се граничи со окрузите Лариса (во Тесалија) на југ и запад, Кожани на запад и Иматија (Берско) на север. Планината Шапка е сместена во западниот дел. На исток е Солунскиот Залив. Најголемиот дел од населението живее крај морето, во т.н. „Олимписка ривиера“.

Теренот е прилично мешовит: има големи рамници, високи планини и песочни плажи.

Клима

Климата е претежно средоземна, со врели лета и свежи зими. Во средишниот и западниот дел на Пиерија неретко зимите се остри и студени, особено на Шапка и Олимп.

Општини

Округот Пиерија се дели на 3 општини. Тие се следниве (означени со бројки во инфокутијата):^[3]

• Дион-Олимп (Дио-Олимпос) (2)
• Катерина (Катерини) (1)
• Пидна-Колиндар (Пидна-Колиндрос) (3)

Поврзано

• Шапка
• Олимп
• Список на села во Катеринско

Наводи

1. Orpheus and Greek Religion (Mythos Books) by William Keith Guthrie and L. Alderlink, 1993, ISBN 0-691-02499-5, page 62
2. E.C. Marchant, Commentary on Thucydides: Book 2,Πιερίας—between Mt. Olympus and the Thermaic Gulf, the original home of the Muses and birth-place of Orpheus.
3. Законска реформа „Каликратис“ PDF

Надворешни врски

• Пиерија (округ) на Ризницата ^?
• Портал на округот Пиерија