Каракорум

Каракорум (кинески: 喀喇昆仑山脉, пинјин: Kālǎkūnlún Shānmài; хинди: काराकोरम, Kārākōrama; урду: سلسلہ کوہ قراقرم) — голем планински венец што се протега низ пограничните краишта на Гилгит–Балтистан (Пакистан), Ладак (Индија) и регионот Сјинџанг (Кина). Влегува во состав на поширокиот систем на Хималаи, но сепак северно од самиот венец.

Оваа статија се однесува на планински венец. За градот во монголија, погл. Каракорум (град).

Каракорум
Ледникот Балторо во среден Каракорум со Гашербрум I и II.
Највисока точка
Врв	К2
Надм. височина	8.611 м
Координати	35°52′57″N 76°30′48″E
Географија
Поглед на највисоките врвови на Каракорум од Меѓународната вселенска станица
Земји	Пакистан, Индија и Кина
Покраини	Гилгит–Балтистан, Ладак и Сјинџанг
Координати	36°N 76°E
Се граничи со	Ладачки Пл., Памир и Хиндураџ (Хиндукуш)

Венецот има најголема концетрација на планини над 8.000 м на светот,^[1] каде спаѓа вториот највисок врв во светот, К2 (8.611 м), кој е само 237 м понизок од Монт Еверест.

Каракорум е долг околу 500 км и се одликува со најголема покриеност со ледници во светот (вон поларните региони). Ледниците Сијачен (70 км) и Бијафо (63 км) се на второ и трето место по должина во светот вон поларните региони.^[2]

На североисток венецот се граничи со Тибетската Висорамнина, а на север со Памир. Јужната граница ја образуваат (од запад кон исток) реките Гилгит, Инд и Шајок, што го одделуваат од северозападниот крај на самите Хималаи како што реките се спојуваат на југозапад кон рамниците во Пакистан.

Највисоки врвови

Врвот К2

The notable peaks of the Karakoram are:

• K2 (8.611 м)
• Гашербрум I (8.068 м)
• Брод Пик (Палчен Кангри) (8.047 м)
• Гашербрум II (8.035 м)
• Гашербрум III (7.952 м)
• Гашербрум IV (7.925 м)
• Дистагил Шар (7.885 м)
• Кунјанг Киш (7.852 м)
• Машербрум I (7.821 м)
• Батура I (7.795 м)
• Ракапоши (7.788 м)
• Батура II (7.762 м)
• Канжут Шар (7.760 м)
• Салторо Кангри (7.742 м)
• Батура III (7.729 м)
• Сасер Кангри (7.672 м)
• Чоголиза (7.665 м)
• Харамош (7.397 м)
• Момил Шар (7.343 м)
• Бајнта Брак (7.285 м)
• Кула Музтаг (7.273 м)

Најголемиот дел од највисоките врвови се наоѓаат во регионот Гилгит-Балтистан во Пакистан. Балтистан има над 100 врвови повисоки од 6.100 м.

Врвови со ознаката К

• К1: Машербрум
• К2
• К3: Брод Пик
• К4: Гашербрум II
• К5: Гашербрум I
• К6: Балтистански Врв
• К7: 6.934 м, кај долината Чаракуза
• К9: околу 7.000 м, кај Кулите Транго
• К10: Салторо Кангри I
• К11: Салторо Кангри II
• К12: подврв на Салторо Кангри
• К22: Сасер Кангри I

Превои

Поглед на Каракорум во Пакистан

Од запад кон исток, Каракорум ги има следниве превои:

• Килик
• Минтака
• Хунџерапски Превој (највисок асфалтиран граничен премин во светот на 4.693 м)
• Шимшалски Превој
• Мустаг
• Каракорумски Превој
• Сасир

Од сите овие премини, само Хундерџапскиот Превој е прооден за моторни возила. Единствениот друг премин во редовна употреба е Шишалскиот, но истиот не навлегува во друга држава.

Поврзано

• Каракорум — древен град во подрачјето
• Каракорумски пат
• Гашербрум
• Список на највисоки планини (над 7.200 м)

Наводи

1. BBC, Planet Earth, "Mountains", Part Three
2. Федченковиот Ледник во Таџикистан е долг 77 км. Балторо и Батура во Каракорум се долги 57 км, како и Бруген и Пио XI во јужно Чиле. Измерено од снимки, руски топографски карти и делото Jerzy Wala,Orographical Sketch Map: Karakoram: Sheets 1 & 2 од Швајцарската фондација за планински истражувања од Цирих, 1990.

Литература

• Kreutzmann, Hermann, Karakoram in Transition: Culture, Development, and Ecology in the Hunza Valley, Oxford, Oxford University Press, 2006. ISBN 978-0-19-547210-3
• Mortenson, Greg and Relin, David Oliver. 2008. Three Cups of Tea. Penguin Books Ltd. ISBN 978-0-14-103426-3 (pbk); Viking Books ISBN 978-0-670-03482-6 (hbk); Tantor Media ISBN 978-1-4001-5251-3 (MP3 CD).
• Kipling, Rudyard 2002. Kim; ed. by Zohreh T. Sullivan. New York: W. W. Norton & Company. ISBN 039396650X

Надворешни врски

„Каракорум“ на Ризницата ?

• Каракорум - патување и планинарење (англиски)