Инанли (Валовишко)
From Wikipedia, the free encyclopedia
From Wikipedia, the free encyclopedia
Инанли или Долно Инанли (грчки: Κάτω Αμπέλα, Като Амбела; до 1926 г. Κάτω Ινανλή, Като Инанли[2]) — село во Валовишко, Егејска Македонија, денес во општината Синтика на Серскиот округ во областа Централна Македонија, Грција. Населението брои 209 жители (2021).
Инанли Κάτω Αμπέλα | |
---|---|
Координати: 41°13′N 23°25′E | |
Земја | Грција |
Област | Централна Македонија |
Округ | Серски |
Општина | Синтика |
Општ. единица | Валовишта |
Надм. вис. | м | 140
Население (2021)[1] | |
• Вкупно | 209 |
Час. појас | EET (UTC+2) |
• Лето (ЛСВ) | EEST (UTC+3) |
Селото е сместено во западното подножје на планината Шарлија, на 2 км јужно од градот Валовишта, на надморска височина од 140 м.[3] Се дели на две маала - Горно и Долно Инанли.
Во XIX век Инанли бил турско село во Демирхисарската (Валовишка) каза на Серскиот Санџак. Во „Етнографија на вилаетите Адријанопол, Монастир и Салоника“ се вели дека во 1873 г. во Инанли (Inanli) имало 16 домаќинства со 40 жители муслимани.[4]
Според податоците на Васил К’нчов („Македонија. Етнографија и статистика“) од 1900 г., во селото Инанли имало 260 жители Турци.[5]
За време на Првата балканска војна селото е окупирано од Бугарија, но по Втората балканска војна во 1913 г. е припоено кон Грција согласно Букурешкиот договор. Таа година селото броело 273 жители, кои поради војните во 1920 г. се намалиле на 122 лица.[3]
Во 1924 г. сите жители се иселени во Турција по сила на Лозанскиот договор. На нивно место се населиле 44 бегалски семејстви (вкупно 172 бегалци), така што селото станало бегалска населба.[3] Во 1926 година, името на селото било променето во Като Амбела (Κάτω Αμπέλα).[2]
Во 1941 г. селото е окупирано од бугарски единици, кои во него завеле 326 жители.[3]
Населението произведува памук, жито и други земјоделски производи.[3]
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 | 2021 |
---|---|---|---|---|---|---|---|---|---|
Население | 326 | 210 | 310 | 196 | 137 | 201 | 184 | 219 | 209 |
Селото припаѓа на општинската единица Валовишта со седиште во истоимениот град, која припаѓа на поголемата општина Синтика, во округот Сер. Воедно, селото е дел од општинскиот оддел Валовишта, во кој влегуваат истоимениот град и селата Валовишка Бања, Герман, Елешница и Герман.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.