Илинденски пат

Илинденски пат бил орган на Народноослободителниот фронт на Македонија, прво месечно централно списание од времето на НОБ. Се печател во Дебрца, с. Ехлоец, Кичевско и Штип од март до август 1944 година.^[1] Било покренато од ЦК на КПМ и Главниот штаб на НОВ и ПОМ во Дебрца, кон крајот на 1943 година, но излегувањето било спречено од германската офанзива. Првиот троброј бил отпечатен во Дебрца, бр. 4 и двобројот 5 и 6 (од кој не е зачуван примерок) во с. Ехловец, Кичевско, а двобројот 7 и 8 (јули и август 1944) во печатницата „Илинден“ во Штип. Првите шест броја биле умножени во мал број примероци на циклостилната техника на Главниот штаб на НОВ и ПОМ, а потоа, според потребите, биле препечатувани од техниките на обласните комитети на КПМ.

За други значења на поимот Илинден видете на појаснителната страница

Насловната на „Илинденски пат“

Редакцијата ја сочинувале Страхил Гигов, Васил Ивановски и Веселинка Малинска, а кратко време и Кочо Рацин. Автори на текстовите биле Бане Андреев-Ронката, Љупчо Арсов, Диме Бојановски-Дизе, Васил Ивановски, Перо Ивановски-Тиквар, Венко Марковски, д-р Кирил Миљовски, Мара Нацева, Лилјана Чаловска, Емануил Чучков и други.^[2]

Наводи

1. Д-р Боро Мокров, „Развојот на македонскиот печат и новинарство (од почетоците до 1945 година)“, Скопје, 1980, 426-428 стр.
2. Д-р Боро Мокров, м-р Томе Груевски, „Преглед на македонскиот печат (1885-1992)“, Скопје, 1993, 125 стр.

Надворешни врски

• „Илинденски пат“, број 7-8