Зузана Тополињска

Зузана Тополињска (полски: Zuzanna Topolińska; р. 2 јануари 1931 ) — полски полонист, македонист, универзитетски професор и член на Македонската академија на науките и уметностите^[1].

Зузана Тополињска Zuzanna Topolińska
Родена	Zuzanna Topolińska 9 јануари 1931 Варшава, Полска
Националност	Полјачка
Позната	јазичар, македонист и славист
Занимање	професор, лингвист, издавач

Животопис

Академик Зузана Тополињска е родена на 2 јануари 1931 година во Варшава, Полска. Во 1944 година таа се отселила од Варшава и завршила средно образование во Келце во 1948 година. На Универзитетот во Лоѓ дипломира полска филологија, додека во 1964 година докторира на тема полско-поморски дијалекти. Подоцна Тополињска станува редовен универзитетски професор. Покрај професорската професија, Тополињска работи со Полската академија на науките со кои издаваат трудови за полските и кашупските дијалекти. Во периодот од 1964 до 1968 година, Тополињска започнува да работи на студијата „Синтаксата на македонскиот стандарден јазик. Подоцна, во 1983 година ја објавува полската граматика^[1].

Тополињска се преселува во Македонија каде во периодот од 1983 до 1999 работи како професор-гостин на Катедрата за славистика про Филолошкиот факултет во Скопје. Како редовен член на МАНУ е узбрана на 20 јуни 1996 година. Тополињска станува раководител на новооснованиот Истражувачки центар за ареална лингвистика при МАНУ. Акад. Тополињска е активен член на две Меѓународни комисии на Меѓународниот комитет на славистите (МКС): Комисија за Општословенски јазичарички атлас и Комисија за истражување на граматичките структури на словенските јазици. Во 1997 година таа е избрана за „doctor honoris causa“ на Универзитетот „Св. Кирил и Методиј“ во Скопје^[1].

Публикации

Меѓу останатите, Тополињска ги има објавено следните дела:

• Атлас на кашупските и соседните полски дијалекти
• A historical phonology of the Kashubian dialects of Polish, The Hague-Paris, 1974
• Синтакса на македонскиот стандарден јазик
• Studia Linguistica Polono-Meridianoslavica, списание
• Меѓународни јазичарички атласи
• Дијалектите на македонскиот јазик

Награди и признанија

• Орден на знамето на Југославија (1990)
• Doctor honoris causa на Универзитетот Свети Кирил и Методиј во Скопје (1997)
• Doctor honoris causa  на Универзитетот во Вроцлав (2016)

Наводи

1. „Биографија“. Архивирано од изворникот на 2009-05-28. Посетено на 2009-06-12.

Поврзано

• Македонистика
• Полонистика