Златен гол

Златен гол било правило во фудбалот користено од страна на ФИФА од 1993 до 2004 година.^[1]

Регулатива

Родено по писмо што се појавило во Times на 16 април 1992 година, правилото за златен гол важело во продолженијата на фудбалските натпревари во нокаут-фазата: откако натпреварот завршил со нерешен резултат по регуларното време, првиот постигнат гол во продолженијата ќе му ја донесе победата на тимот кој го постигнал; ова се засновало на концептот на Ненадејна смрт присутен во екипните спортови во Северна Америка.^[2]

Во 2002 година, варијантата „сребрен гол“ била воведена од УЕФА, која според правилата му носела победа на тимот кој бил во водство по крајот на едно од продолженијата (небитно дали се работи за првото или второто).^[3] Двете правила биле укинати од ИФАБ по крајот на Европското првенство 2004.^[4]

Критики

Оригиналната идеја на „Златниот гол“ била да се поттикнат екипите да играат поофанзивно, со што ќе се намали употребата на изведување пенали како параметар кој ќе го одлучува победникот; наместо тоа, се верувало дека правилото дало спротивен ефект, бидејќи екипите на теренот често имале тенденција да се затворат и да се бранат со цел да избегнат да примат одлучувачки погодок кој ќе ги елиминира моментално.^[4]

Натпревари решени со златен гол

Репрезентативни натпревари

Победник	Поразен	Резултат	Минута	Натпревар	Дата
Германија	Чешка	2 - 1	95'	Финале на Европското првенство 1996	30 јуни 1996
Јапонија	Иран	3 - 2	105'	Бараж за пласман на Светското првенство 1998	15 ноември 1997
Уругвај	Австралија	0 - 1	92'	Полуфинале на ФИФА Куп на конфедерации 1997	19 декември 1997
Франција	Парагвај	1 - 0	113'	Осминафинале на Светското првенство 1998	28 јуни 1998
Франција	Португалија	2 - 1	117'	Полуфинале на Европското првенство 2000	28 јуни 2000
Франција	Италија	2 - 1	103'	Финале на Европското првенство 2000	2 јули 2000
Сенегал	Шведска	2 - 1	104'	Осминафинале на Светското првенство 2002	16 јуни 2002
Јужна Кореја	Италија	2 - 1	117'	Осминафинале на Светското првенство 2002	18 јуни 2002
Турција	Сенегал	1 - 0	97'	Четвртфинале на Светското првенство 2002	22 јуни 2002
Франција	Камерун	1 - 0	97'	Финале на ФИФА Куп на конфедерации 2003	29 јуни 2003

Клупски натпревари

Победник	Поразен	Резултат	Минута	Натпревар	Дата
Галатасарај	Реал Мадрид	2 - 1	103'	Суперкуп на УЕФА 2000	25 август 2000
Ливерпул	Алавес	5 - 4	117'	Финале на Куп на УЕФА 2000-2001	17 мај 2001

Останати спортови

Освен во фудбалот, „Златниот гол“ имал и има примена и во некој други споротви како хокеј на трева, хокеј на мраз, рагби, американски фудбал, бејзбол и др.

Поврзано

• Гол
• Сребрен гол
• Продолженија
• Изведување пенали

Наводи

1. „Calcio news“. la Repubblica. 5 март 1994. стр. 23.
2. „Mondiale noioso, l'assillo degli USA“. la Repubblica. 3 јуни 1993. стр. 28.
3. „Addio golden gol, arriva il silver. Era costato all'Italia un Europeo“. la Repubblica. 29 април 2003. стр. 48.
4. „Calcio, la Fifa dice basta a silver e golden gol“. 28 февруари 2004.