Деветта македонска ударна бригада

Деветта македонска ударна бригада била формирана на 22 август 1944 година во с. Шешково, Кавадаречко. Била формирана од 450 борци од Тиквешијата, од три пешадиски и еден следечки баталјон, и делувала во составот на 41 дивизија до 3 ноември 1944 година.

Деветта македонска ударна бригада
Споменикот за формирањето на Деветтата македонска ударна бригада во с.Шешково
Активна	22 август 1944 – 6 ноември 1944
Битки	Завршни операции за ослободување на Македонија
Команданти
Истакнати команданти	Најдо Стаменин - Орлов, Димитар Гулевски - Гулас

Наскоро нејзиниот боречки состав нараснал на 2.110 борци (1 октомври). Дејствувала главно во Тиквешијата и на комуникацијата Гевгелија-Велес, зела учество во борбите за ослободување на Прилеп (29 октомври - 2 ноември), Кичево и Гостивар. На 6 ноември 1944 година, по ослободувањето на Битола, бригадата влегла во состав на 49 дивизија.^[1]

Операции

Во завршните операции за конечно ослободување на Македонија се истакнува во борбите:

• Против делови на четиринаесеттиот бугарски граничен одсек кај селото Крњево на 4 септември, каде разоружале околу 900 војници.^[2]
• Заедно со десеттата македонска бригада на 16 и 17 септември во одбраната на Кавадарци.^[2]
• На 28 септември ја уништиле железничката станица во Бистреница, Демир Капија.^[2]
• На 29 септември ја нападнале железничката станица во Демир Капија.^[2]
• На 6 октомври ја разрушиле железничката станица во Милетково.^[2]
• Ги напаѓале и германските колони кои се повлекувале од Грција по долината на реката Вардар.^[2]
• Посебно е значајна нивната улога во конечното ослободување на Прилеп од 29 октомври до 2 ноември 1944.^[2]

Команден состав

• Најдо Стаменин - Орлов, командант од 22 август 1944 година^[3]
• Димитар Гулевски - Гулас, командант од 6 ноември 1944 година
• Ристо Стојановски - Железни, политички комесар
• Ризова Трајанка - Злата, заменик политички комесар на Првиот баталјон

Галерија

• 
  Плочата на споменикот за формирањето на Деветтата македонска ударна бригада
• 
  Споменикот за формирањето на Деветтата македонска ударна бригада

Наводи

1. д-р Марјан Димитријевски „Македонската војска 1944-1945“, Скопје, ИНИ, 1999 г., стр. 113
2. Hronologija oslobodilacke borbe naroda Jugoslavije 1944-1945, izd. VII, Beograd, 1964
3. д-р Марјан Димитријевски „Македонската војска 1944-1945“, Скопје, ИНИ, 1999 г., стр. 112