Дебарско-кичевска епархија

Дебарско-кичевска епархија — една од 15-те епархии на Македонската православна црква која го опфаќа југозападниот дел на Македонија и е со седиште во градот Охрид. На чело на епархијата Неговото Високопреосвештенство митрополитот г. Тимотеј, кој ја носи титулата Митрополит Дебарско-кичевски и Плаошки.^[1] Ги опфаќа градовите Охрид, Струга, Дебар, Кичево и Брод. Дебарско-кичевската епархија вкупно зафаќа 3565,1 км². Во нејзин состав се наоѓаат вкупно 14 општини, 5 градови, 262 села.^[2]

Дебарско-кичевска епархија
Митрополитска резиденција
Основач	МПЦ
Независност
Признавање	православие
Поглавар	Тимотеј
Седиште	Охрид
Територија	Охрид, Струга, Кичево, Дебар, Македонски Брод
Власт
Јазик	македонски, старословенски
Верници
Портал	http://www.dke.org.mk/

Карта на епархиите во Македонија.

Митрополитот Тимотеј

Историја

Охрид како македонски православен центар, е седиште на оваа епархија. Тука се наоѓало седиштето на древната Охридска Архиепископија, која неканонски била укината во 1767 година, но повторно возобновена како Македонска православна црква во 1967 година, на Црковно народниот собор во катедралната црква на охридските архиепископи „Света Софија“.

Со возобновувањето на Охридската Архиепископија во лицето на Македонската православна црква, на 17 јули 1967 година, на Третиот црковно народен собор, се возобновила и древната Величка епархија со седиште во Охрид. Само после една година, на одржаниот Црковно народен собор на 17 октомври 1968 година, со одлука бр. 538, древната Величка епархија е преименувана во Дебарско-кичевска епархија, повторно со седиште во Охрид.

Митрополити

• Прв епископ Велички, а подоцна Митрополит Дебарско-кичевски бил г. Методиј (Ѓорѓи Попоски). Роден на 27 март 1914 година во Прилеп. На 27 октомври 1936 година бил ракоположен за ѓакон, а за свештеник во јули 1937 година. На 13 март 1966 година бил избран за епископ Велички, а во 1968 година бил востоличен за Митрополит Дебарско-кичевски, со која управувал до неговото упокојување на 25 февруари 1976 година.
• Втор митрополит Дебарско-кичевски бил г. Ангелариј (Цветко Крстески). Роден на 7 април 1911 година во село Долнени, Прилепско. 1932 година, во црквата „Свети Димитриј“ во Битола бил ракоположен за ѓакон, а за свештеник истата година во црквата „Света Богородица“, исто така, во Битола. Монашки потстриг примил во 1972 година. Во 1975 година бил хиротонисан за епископ Пелагониски, а во 1977 година бил востоличен за Митрополит Дебарско-кичевски. После изборот за Архиепископ Охридски и Македонски, на 19 август 1981 година, со Дебарско-кичевската епархија администрирал уште еден месец, до 20 септември 1981 година.
• Трет митрополит Дебарско-кичевски е г. Тимотеј (Славе Јованоски). Роден е на 20 октомври 1951 година во Младо Нагоричане, Кумановско. Монашки потстриг прима на 10 септември 1981 година во Бигорскиот манастир, а на 11 септември 1981 година е ракоположен за јероѓакон во истиот манастир. На 13 септември 1981 година е ракоположен за јеромонах во Кичевскиот манастир, а за архимандрит е произведен во манастирот „Свети Наум Охридски“ во Битола. По изборот за епископ, на 20 септември 1981 година е хиротонисан за архијереј на МПЦ во црквата „Свети Димитриј“ во Скопје. Од 21 септември 1981 година е назначен за Митрополит Австралиски и администратор на Дебарско-кичевската епархија. Со Австралиската епархија раководел до 1995 година, од кога продолжил да раководи со Дебарско-кичевската епархија како Митрополит Дебарско-кичевски.

Манастири

Во оваа епархија се наоѓаат следниве познати цркви и манастири:

• Плаошник, Охрид
• Манастир „Св. Наум“ - Охрид
• Црква „Св. Стефан“ - Охрид
• Црква „Св. Еразмо“ - Охрид
• Лакочерејски манастир, Охридско
• Лешански манастир, Охридско
• Велгошки манастир, Охридско
• Црква „Св. Богородица Заумска“, Охридско
• Рајчички манастир, Дебарско
• Кичевски манастир
• Кнежинки манастир, Кичевско
• Калишки мананстир, Струшко
• Бигорски манастир, крај реката Радика
• Поречки манастир, Горни Манастирец, Македонски Брод

• 
  Манастир „Св. Наум“
• 
  Црква „Св. Софија“
• 
  Црква „Св. Јован Канео“
• 
  Поречки Манастир

Архерејски намесништва

Епархијата е поделена на четири архијерејски намесништва, и тоа: Охридско, Струшко, Кичевско, Бродско и Дебарско.

Охридско

Охридското архијерејско намесништво е поделено на следниве парохии:

1. Прва охридска парохија
2. Втора охридска парохија
3. Трета охридска парохија
4. Четврта охридска парохија
5. Петта охридска парохија
6. Шеста охридска парохија
7. Седма охридска парохија
8. Осма охридска парохија
9. Деветта охридска парохија
10. Белчишка парохија
11. Велгошка парохија
12. Велмејска парохија
13. Коселска парохија
14. Мешеишка парохија
15. Пештанска парохија
16. Слатинска парохија
17. Требенишка парохија

Струшко

Струшкото архијерејско намесништво е поделено на следниве парохии:

1. Прва струшка парохија
2. Втора струшка парохија
3. Трета струшка парохија
4. Четврта струшка парохија (Драслајчка)
5. Вевчанска парохија
6. Ложанска парохија

Кичевско

Кичевското архијерејско намесништво е поделено на следниве парохии:

1. Прва кичевска парохија
2. Втора кичевска парохија
3. Трета кичевска парохија
4. Четврта кичевска парохија

Дебарско

Дебарското архијерејско намесништво се состои само од Дебарско-реканската парохија

Бродско

Бродското архијерејско намесништво е поделено на следниве парохии:

1. Бродска парохија
2. Манастиречка парохија
3. Русјачка парохија

Наводи

1. „Митрополит Дебарско-кичевски и Плаошки, г. Тимотеј“. Премин. Посетено на 2012-09-01.
2. Дебарско-кичевска епархија. mpc.org.mk

Надворешни врски

• Официјално мрежно место