Remove ads
Горна Лакавица или Врла Лакавица (грчки: Μικροκλεισούρα, Микроклисура; до 1927 г. Λακάβιστα, Лакависта[2]) — село во Драмско, Егејска Македонија, денес во општината Неврокоп на Драмскиот округ, Грција. Сè до 1920-тите било населено со Македонци-муслимани.[3]
| Горна Лакавица Μικροκλεισούρα | |
|---|---|
 Поглед на Горна Лакавица | |
  Горна Лакавица | |
|
Местоположба во областа   Горна Лакавица | |
| Координати: 41°23.14′N 24°3.21′E | |
| Земја | Грција |
| Област | Источна Македонија и Тракија |
| Округ | Драмски |
| Општина | Неврокоп |
| Надм. вис. | 440 м |
| Население (2021)[1] | |
| • Вкупно | 72 |
| Час. појас | EET (UTC+2) |
| • Лето (ЛСВ) | EEST (UTC+3) |
Во Отоманското Царство
Во опис датиран меѓу 1478 и 1502 г. Горна Лакавица (Л’кавица или Папа Рајко) се води како село со 47 немуслимански домаќинства, 17 ергени немуслимани 7 вдовици и 1 муслиман.[4] Во скратен регистар за ливата Паша од 1519 г. селото Папа Рајко со друго име Лакавица (Л’кавиче) е запишано вака — муслимани: 2 домаќинства; немуслимани: 74 домаќинства, ергени - 9, вдовици - 11.[5] Во подробен регистар на санџакот Паша за 1524-1537 г. во Горна Лакавица (Лакавиче со друго име Папа Рајко) се регистрирани муслимани: 1, нежененети - 3; немуслимани: 67, ергени - 9, вдовици - 13.[6] Во скратерн регистар од 1530 г. Горна Лакавица (Лакавиче со друго име Папа Рајко) имало муслимани: 1 домаќинство, ергени - 3; немуслимани: 67 домаќинства, ергени - 9; вдовици - 13.[7] Во подробен регистар на санџакот Паша од 1569-70 г. се дава даночно обврзаното население вака: муслимани - 3 семејства и 15 ергени; немуслимани - 15 семејства и 37 неженени.[8] Во список на домаќиствата на Неврокопскиот вилает од 13 март 1660 г. селото Горна Лакавица (Л’ковиче-и баља) е заведено како село со 7 немуслимански семејства.[9] Во подробен регистар за собирањето на данокот авариз од Неврокопската каза за 1723 г. Горна Лакавица (Л’кавиче-и баља) е запишана со 12 муслимански и 5 немуслимански домаќинства.[10] Од ова се гледа дека исламизацијата зела замав дури во XVIII век.
Во XIX век Горна Лакавица било муслиманско село во Неврокопската каза. Во „Етнографија на вилаетите Адријанопол, Монастир и Салоника“ се вели дека во 1873 г. Горна Љаковица (Gorna-Liakovitsa) имала 110 домаќинства на 270 жители муслимани.[11] Според статистиката на Васил К’нчов („Македонија. Етнографија и статистика“) во 1900 г. селото имало 500 жители „Турци“. Ова е грешка.[12] Во друга статистика К’нчов се исправа, велејќи дека во Горна Лакавица (Л’ковица) имало 100 македонски муслумански куќи.[13]
Во Грција
За време на Првата балканска војна селото е окупирано од бугарска војска. По податоци на БПЦ кон крајот на 1912 и почетокот на 1913 г. во Горна Лакавица живееле 130 семејства со вкупно 665 лица. по Втората балканска војна во 1913 г. е припоено кон Грција согласно Букурешкиот договор. Истата година населението броело 657 жители.[14] Во 1920 г. селото имало 680 жители.[15]
Во 1923 г. жителите на Горна Лакавица како муслимани се иселени во Турција по сила на Лозанскиот договор. Во 1927 г. селото е преименувано во Микроклисура (Μικροκλεισούρα).[16] До 1928 г. во Горна Лакавица бил доведен 201 грчки (63 семејства) дојдени од Турција.[17]
Во 1960-тите дошло до масовно иселување на населението во поголемите градови.[3]
Населението произведува тутун, жито и други земјоделски производи, а делумно се занимава и со сточарство.[3]
Remove ads
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 363 | 429 | 303 | 192 | 112 | 113 | 113 | 111 | 72 |
- Извор за 1940-1991 г.: Т. Симовски, Населените места во Егејска Македонија
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads