From Wikipedia, the free encyclopedia
Босна и Херцеговина е држава која се наоѓа во југоисточниот дел на Европа, сместена на западниот дел од Балканскиот Полуостров.
Вкупната површина на земјата изнесува 51 129 км2. Таа граничи со Хрватска на север, северозапад и југ со вкупна должина на границата од 932 km, потоа со Србија на исток со вкупна должина на границата од 312 км и со Црна Гора на југоисток со вкупна должина на границата од 20 км[1].
Босна и Херцеговина излегува на Јадранското Море. Самата држава се состои од две географски и историски целини: Босна која се наоѓа на север со околу 42 000 км2, и Херцеговина на југ. Државата е мала планинска земја. Главен град на земјата е Сараево со околу 500 000 жители. Од поголемите градови се издвојуваат: Бања Лука, Тузла, Мостар, Бихаќ, и други.
Според пописот на населението во 1991 година, од вкупното население 44% се Бошњаци, 31% Срби и 17 % Хрвати, а додека 6% се декларирале како Југословени, и 2% во останати. Според процентите од американската агенција ЦИА, населението во БиХ во 2004 година изнесувало 4.007.608 од кои во федерацијата Босна и Херцеговина живееле 2.517.972 а во Република Српска 1.490.993.
Климата во БиХ е умереноконтинентална со топли лета и ладни зими. Подрачјата кои се наоѓаат на голема надморска височина имаат кратки ладни лета и долги жешки зими. На југ кон приморјето можат да се појават благи врнежливи зими.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.