Гарона

Гарона (француски: Garonne; окситански, каталонски и шпански: Garona; латински: Garumna^[1] или Garunna) — река во југозападна Франција и северна Каталонија, (Шпанија) со должина од 602 км.

Гарона
Местоположба
Физички особености
Устие	Жиронда, Атлантски Океан 45°2′29″N 0°36′24″W
Должина	602 км
Особености на сливот

Географија

Извор

Водотекот од клисурите Баранкс и Ескалета

Реката извира во Аранската Долина на Пиринеите, иако точното место е спорно. Предложени се три можности: „Гаронско Око“ (окситански: Uelh deth Garona) (42°42′34″N 0°56′43″E), во Тарера-Саборедо 42°36′26″N 0°57′56″E) или на падините на Ането (клисурата Салтерилјо-Баранкс 42°38′59″N 0°40′06″E согласно годишното време).

Течение

Гарона тече низ Аранската Долина во северен правец и влегува во Франција, минувајќи низ Тулуза и Ажен кон Бордо, па доаѓа до естуарот Жиронда и истекува во Бискајскиот Залив (Атлантски Океан). По течението има три поважни притоки: Арјеж, Тарн и Лот. Веднаш по бордо, реката се спојува со Дордоња, образувајќи го естуарот Жиронда, кој а завршува во Атлантскиот Океан по 100 км. Други притоки се Сав и Жер.

Ова е една од неколкуте реки во светот што добива приливен бран.^[2][3][4] По бранот може да се едри на даска и со скутер барем до селото Камб, оддалечено 120 км од океанот

Пловност

Гарона игра важна улога во превозот на стоки. Океанските бродови влегуваат по реката и доаѓаат до Бордо, и се потпомогнати од т.н. „Канал на двете мориња“ (Canal des Deux Mers), што го поврзува Средоземното Море со Атлантскиот Океан, овозможувајќи пократок и побезбеден превоз на стоки од земјоделските подрачја во јужна Франција до Атлантскиот Океан.

Населени места по течението

Гарона во Тулуза

• Аранска Долина (Шпанија): Виелја
• Горна Гарона (31): Сен Годен, Мире, Тулуза
• Тарн и Гарона (82): Кастелсаразен
• Лот и Гарона (47): Ажен, Марманд, Егијон
• Жиронда (33): Лангон, Бордо, Блај, Ле Вердон сир Мер
• Приморска Шаранта (17): Роајан

Поважни притоки

Поважни притоки на Гарона (низводно) се следниве:

Пик Урз Нест Сала Волп Ариза Луж

Арјеж Туш Сав Жимона Ерс Морт Тарн Арат

Жер Бајз Лот Дропт Сирон Гат Морт Девез

Жал де Бланкфор

Поврзано

„Гарона“ на Ризницата ?

• Дордоња (река)
• Список на реки во Франција