Аргеади

Аргеади — династија на кралеви-основоположници на Македонското Кралство и владеела со Античка Македонија од околу 700 п.н.е. до 309 п.н.е. За митолошки основач на династијата се смета Каран, а нејзини најславни припадници се Филип II Македонски и Александар Македонски, го поразил Персиското Царство и ја формирал Македонската Империја. Последен легитимен машки наследник од оваа династија бил Александар IV, син на Александар Велики со Роксана. По неочекуваната смрт на Александар Македонски, започнува периодот на војните на дијадосите кои доведуваат до распад на Македонската Империја и формирање на империи наследнички кои биле владеани од династии формирани од генералите во војската на Александар Македонски.

За потеклото на Аргеадите постојат две теории. Според едната, тие потекнуваат од Аргос на Пелопонез, а според втората, од Аргос во Орестида.^[1][2]

Еден од претпоставените патишта на Аргеадите од Аргос, Пелопонез, до Македонија.

Членови на династијата

Митски

• Каран 808-778 г. п.н.е.
• Коин 778-750 г. п.н.е.
• Тирима 750-700 г. п.н.е.

Историски

• Пердика I 700-678 г. п.н.е.
• Аргеј I 678-640 г. п.н.е.
• Филип I 640-602 г. п.н.е.
• Аероп I 602-576 г. п.н.е.
• Алкет I 576-547 г. п.н.е.
• Аминта I 547-498 г. п.н.е.
• Александар I 498-454 г. п.н.е.
• Пердика II 454-413 г. п.н.е.
• Архелај I 413-399 г. п.н.е.
• Орест и Аероп II 399-396 г. п.н.е.
• Архелај II 396-393 г. п.н.е.
• Аминта II 393 г. п.н.е.
• Павзаниј 393 г. п.н.е.
• Аминта III 393 г. п.н.е.
• Аргеј II 393-392 г. п.н.е.
• Аминта III (повтoрно) 392-370 г. п.н.е.
• Александар II 370-368 г. п.н.е.
• Птоломеј I 368-365 г. п.н.е.
• Пердика III 365-359 г. п.н.е.
• Аминта IV 359-356 г. п.н.е.
• Филип II 359-336 г. п.н.е.
• Александар III (Александар Македонски) 336-323 г. п.н.е.
  • Антипатар — регент на Македонија 334-319 г. п.н.е.
• Филип III Аридеј 323-317 г. п.н.е.
• Александар IV 323-310 г. п.н.е.
  • Пердика — регент на Македонија 323-321 г. п.н.е.
  • Антипатар, регент на Македонија 321-319 г. п.н.е.
  • Полиперхон, регент на Македонија 319-317 г. п.н.е.
  • Касандар — регент на Македонија 317-306 г. п.н.е.

Најмалку 11 кралеви и кандидати за македонскиот престол загинале во текот на владеењето на династијата Аргеади: Алкет II, Архелај I, Кратер, Павзаниј, Аргеј II, Александар II, Птоломеј I, Аминта IV, Филип II, Филип III и Александар IV.

Поврзано

• Антипатриди
• Антигониди
• Аталиди
• Птоломеиди
• Селевкиди